فرز الأخبار

خبر منتشر بشكل كبير جدًا قرب 8 آلاف شير بيقول قرار رئاسي اللحمة تعميم ب ٦٠ جنيه الجزار إللي هيرفع السعر عن كده بلغوا عنه مباحث التموين وخدمة المستهلك الدولة أدخلت عشرات المراكب محملة بآلاف الرؤس من المواشي الحية وتم توزيعها علي جَزَّارين السوق وبسعر مخفض جدا يعني إللي كان سعره من قبل ٢٥٠٠٠ أصبح ب ١٧٠٠٠ خلي بالكم كل الجزارين اشتروا من العجول دي ولازم يبيع بالسعر الجديد ومن يخالف بلغوا عنه.

بوست متداول بشكل كبير جدًا، مصدرة صفحة بتحمل اسم المصرى اليوم، بيقول: البنك المركزى المصرى : حمله خليهاتصدى فى خلال 30 يوم توفر للبلد 12 مليار دولار وتوقعات فى خلال 3 اشهر بأرتفاع قيمه الجنيه امام الدولار بقفزه كبيره.

صورة منتشرة بشكل كبير فيها عربيتين قريبين من بعض في الشبه جدًا، واحدة منهم عليها علامة والتانية علامة شيفرولية، مع تعليق: هي دي العربية الصيني اللي منصور شيفرولية بيغير العلامة بتاعتها بعلامة شيفرولية ويكسب فيها ملايين. العربية دي سعرها 2000 دولار يعني 40 ألف مصري، منصور بيبعها 280 ألف جنيه يعني مكسب 200 ألف جنيه اسبارك دي عربية صيني وبتنزل مصر يتغير ورقها والعلامة التجارية شيفرولية الكلام ده حقيقي.

تصميم منتشر بشكل كبير عليه لوجو جريدة الشروق، مع تصريح منسوب للنائبة البرلمانية بسنت فهمي بتقول فيه: زيادة الدين الداخلي والخارجي دليل على قوة الاقتصاد.

كلام كتير منتشر من امبارح، مصدره خبر من موقع اسمه .، عن صدور قرار حكومي برفع الدعم بشكل نهائي عن بنزين 95 من أول شهر يناير الجاي. وإن من هنا ورايح هيتم تشكيل لجنة لتحديد السعر كل شهر حسب سعر البترول وسعر الصرف والتكاليف الأخرى. الحكومة نفت بشكل قاطع صدور أي قرار جديد خاص بسعر البنزين، سواء 95 أو غيره. وبتأكد إن الأسعار مستمرة كما هي حاليًا ومفيش نية لتغييرها مطلع السنة الجديدة. لكن نفي الحكومة لرفع سعر الوقود في يناير الجاي، لا ينفي إن هيتم رفع أسعار الوقود السنة الجاية مع بداية العام المالي الجديد يوليو 2019، وده بموجب اتفاق وتعهد الحكومة لصندوق النقد الدولي مقابل قرض الـ12 مليار دولار. إزي هيتم حساب السعر بعد تحريره؟ مش معروف إلى الآن إزاي هيتم حساب سعر البنزين بعد رفع الدعم نهائي عنه، لكن المتوقع إن السعر هيتحدد بشكل شهري أو أسبوعي، بحيث يراعي أسعار النفط العالمية وسعر الدولار مقابل الجنيه وتكاليف النقل والخدمة، زي ما بيحصل في الإمارات على سبيل المثال، إن فيه لجنة حكومية بتحدد كل شهر سعر بيع المواد البترولية وتعلن الأسعار على موقع وزارة الطاقة. سعر البترول بيتغير بشكل شبه يومي بحسب الأوضاع السياسية والاقتصادية في العالم، وبحسب حجم المعروض في السوق. السعر حاليًا حوالي 60 دولار للبرميل، وده سعر كويس جدًا لمصر اللي عامله حسابها في موازنة 2018 2019 على 67 دولار للبرميل. لكن للأسف السعر مرجح للصعود بداية العام الجاي بسبب اتفاق عالمي بين منتجي النفط على تخفيض الإنتاج بمقدار 1.2 مليون برميل، وده هيأدي لارتفاع الأسعار. وكالة بلومبيرغ الاقتصادية بتقول إن السعر ممكن يبقى بين 70 و80 دولار للبرميل. زيادة سعر النفط عالميًا عن حسابات الحكومة في الموازنة 67 دولار للبرميل، هو اللي بيدفع بعض المحللين إلى توقع إن الحكومة هترفع سعر البنزين أكتر من مرة خلال 2019، عشان تحقق مستهدفات الموازنة وتخفض عجزها. لكن حتى الآن بحسب الكلام الرسمي مفيش نية لرفع سعر البنزين سوى على بداية العام المالي الجديد في يوليو 2019، طبقًا للخطة المعلنة واتفاق الحكومة مع صندوق النقد الدولي.

كلام كتير ما زال منتشر عن استحواذ شركة موانئ دبي الإماراتية على 49 من محور قناة السويس وكمان بعض البوستات المنتشرة بتقول الإمارات هتاخد 49 من دخل قناة السويس.