فرز الأخبار

تطبيق للتحقق الفوري من الصور والفيديو القدرة على التعديل والتلاعب في المحتوى المصور صور أو فيديو واستخدامها في ترويج الأخبار غير الصحيحة أو الكاذبة، وصلت لمستوى كبير جدا حاليًا، مش بس مجرد الصور اللي بنقوم بالتحقق منها بشكل يومي في صفحة متصدقش. مثلا، من خلال تقنيات الذكاء الصناعي ممكن يتعمل فيديو بيحاكي نبرة صوت وحركات شخصية مشهورة مثلا بشكل يقدر يخدع ملايين ممكن يصدقوا بسهولة الكلام اللي اتقال خلاله. لكن لحسن الحظ، فيه تطبيق عظيم ظهر في 2016، اسمه ، وهو تطبيق بيعرف نفسه بأنه كاتب رقمي للتحقق من الصور والفيديو حاصل على براءة اختراع نتيجة للتقنيات المتقدمة جدا اللي بيعتمد عليها عشان يقول بشكل حاسم إذا كانت حاجة معينة شوفناها على الإنترنت صحيحة ولا غلط. التطبيق مجاني ومتاح للاستخدام على أنظمة أبل وأندرويد. ومن خلاله نقدر نوفر الكتير من الوقت للتحقق من الأشياء المتداولة على الإنترنت ويساعدنا نقرر إذا كنا هنعمل شير لبوست من عدمه عشان منساهمش في تداول حاجات غير صحيحة. طيب إزاي نستخدمه؟ بمجرد ما تحمل صورة من موبايلك على التطبيق بيقوم في ثانيتين بالتحقق من الصورة للتأكد من أنه ماتمش تغييرها أو تعديلها بأي شكل، وبيحدد وقت التقاطها ومكانها في حالة تشغيل صاحب الصورة للـ . ومن خلاله تقدر تفحص العلامة المائية على الصور ومقارنة ما إذا كانت متناسبة أو متسقة مع بيانات الصورة، سواء وقت التقاط الصور، والموقع الجغرافي. وبيتم تخزين الصورة في وقت لاحق في التطبيق، وتحصل كل صورة على رمز من ستة أرقام. ميزته كمان إنه بيتحلى بأعلى معدلات الأمان ومراعاة خصوصية مستخدميه في أكتر من 100 دولة في العالم بيتم استخدامه فيها، خاصة لما تكون مناطق عالية المخاطر وعرضة لمحاولات اختراق. مين ممكن يستخدمه؟ كمواطن عادي ممكن تستخدمه مثلا في معرفة إذا كانت صور المنتجات اللي ناوي تشتريها من مواقع عالمية للتجارة الإلكترونية، زي لإثبات صحة وحالة اللي بتشتريه. مثلا لو هتشتري عربية تعرف إذا كانت صورتها تم تعديلها وهل موجودة في المكان اللي أعلن البائع وجودها فيه. وكمان تقدر تتحقق من حالة الفنادق والأماكن السكنية اللي بتحجزها اللي شوفت صورها، وهل هي حقيقة، زي التأكد من الإعلانات عن ده على خدمة . وممكن تتأكد من هوية الأشخاص اللي بتتكلم معاهم على مواقع التعارف، مثلا على تطبيق . الصحفيين كمان التطبيق بيوفر لهم وقت كبير للتحقق من الصور المتداول لحاجة بتحصل على الأرض، خاصة المراسلين في مناطق النزاعات أو الأزمات الإنسانية بشكل يساعدهم في إخبار حقيقة ما يحدث بدقة. المؤسسات العاملة في مجال الإغاثة وتوصيل المساعدات، يعني مثلا لو جهة دولية فيه قوافل مساعدة لمنطقة معينة ممكن خلال الصور الواردة من العاملين في جهات توصيلها، تقدر تتأكد إذا كانت وصلت فعلا للمستفيدين منها ولا لاء. المنظمات المهتمة بحقوق الإنسان ممكن يساعدها في إثبات صحة حدوث انتهاكات لمجموعة من البشر في مكان معين، وبالتالي يساهم في حدوث استجابة سريعة، وتوفير صورة واضحة لما يحدث بشكل يسمح باتخاذ قرارات مناسبة مبنية على حقائق موثوقة. اعرفبنفسك

أداة عبارة عن محرك بحث مُتقدم للبحث عن تفاصيل أكثر في بيانات الحسابات على فيس بوك وعلاقاتها ببقية الأشخاص وما يجمعهم من روابط. بمجرد ما تثبت الاكستنشن على متصفحك الخاص، سواء جوجل كروم أو موزايلا، تقدر وأنت فاتح صفحة حساب معين تضغط على أيقونة الأداة المُصغرة في المتصفح، وقتها بتظهر لك تقسيمات مختلفة، يعني مثلا لو حابب تعرف قائمة أصدقاء الشخص اللي عاوز تفاصيل أكتر عنه، وايه الأماكن اللي فيها، والصور والبوستات اللي تفاعل معاها، والصور اللي اتعمل لها تاج فيها، والجروبات المشترك فيها وزملاء العمل وغيرها من التفاصيل. زي ما قلنا قبل كده الأدوات اللي من النوع ده مش بتقرا غير البيانات اللي صاحب الحساب عاملها ، يعني من خلال إعدادات الخصوصية هو سمح لأي حد يشوفها. يمكن دي لفتة دي مهمة لينا عشان نعدل ونراجع إعدادات الخصوصية في حساباتنا عشان نحافظ على عدم وصول أشخاص أو هيئات أو جهات معينة لها بسهولة.

جزء كبير من المشاكل اللي بتواجهنا في محاربة الأخبار الكاذبة، هو اقتطاع المعلومات من سياقها، ووضع معلومات حقيقية في مقارنات غير منطقية. زي ما حصل أول امبارح، الإعلامي عمرو أديب قال، في حلقة برنامجه الحكاية الحكاية وما فيها مع عمرو اديب على قناة إم بي سي مصر  مصر، إن سعر لتر البنزين في فرنسا 1.5 يورو 30 جنيه، عشان لما تيجي تقولي هما بياخدوا كام بس هما الأسعار عندهم كام كمان، وده سعره العالمي عندهم يعني ده السعر بتاع لتر البنزين زي ما ربنا خلقه في السوق الحد الأدنى للأجور كام؟ زينا، بس زينا الموازي له باليورو، اللي هما كام؟ 1200 أو 1400 يورو. 15 من الشعب الفرنسي يعيش تحت 1500 يورو يعيش تحت خط الفقر، وعندهم لتر البنزين بيورو ونص بما يوازي 30 جنيه مصري.‍ الأرقام اللي عمرو أديب ذكرها مش دقيقة أوي لكن حالها ممكن يمشي. يعني سعر لتر البنزين في فرنسا بدقة هو 1.46 يورو، والحد الأدنى للأجور 1498 يورو، ونسبة من يعيشون تحت خط الفقر 14، مع ذلك ممكن نمشي كلام عمرو ونقول قريب من الدقيق. المغالطة اللي عمرو ارتكبها هو إنه يحسب سعر لتر البنزين بالمصري، وفي نفس ذات الوقت ميحسبش الحد الأدنى للدخل للفرنسيين بالمصري. يقول 1.5 يورو 30 جنيه مصري وكأن مستوي دخل المواطن المصري زي المواطن الفرنسي. وكأنه اليورو بيساوي جنيه مصري. يعني نلاقي عمرو أديب بيقول سعر لتر البنزين في فرنسا بـ1.5 يورو 30 جنيه ، لكنه يتجاهل مثلا إن الحد الأدنى للأجور 1498 يورو 30.2 ألف جنيه، ده بغض النظر عن منطقية المقارنة بين مصر وفرنسا على كل المستويات. كمان بما إن عمرو أديب ذكر إن نسبة الفقراء في فرنسا 15 الحقيقة هي 14 في 2017، فالمفروض يذكر كمان إن نسبة الفقراء في مصر بحسب احصاء 2015 كانت 27.8، اللي حوالي أكتر من 27 مليون مصري، والكلام ده كان قبل تعويم الجنيه، ولم يظهر احصاء جديد منذ التعويم إلى الآن. وضع معلومات صحيحة في سياق غير مناسب هو نوع من أنواع الكذب والتزييف والتضليل.

أي صورة رقمية، خاصة اللي بيتم التقاطها من خلال كاميرات ديجتال أو من خلال موبايلاتنا بتحتوى على كتير من المعلومات على عكس ما نتخيل. أداة ممكن نعرف بيها المعلومات المُخزنة في الصور اللي بتعرف الـ ، زي مثلا الوقت اللي تم التقاط الصور فيه، ونوع الكاميرا أو الموبايل اللي صورها، وإحداثيات المكان اللي تم التقاطها فيه. بمجرد ما تعمل آبلود لصورة أو تحط رابط الصورة بيكون قدامك اختيارين إما إنك تقرأ بياناتها أو تمسح بياناتها وده أوبشن إضافي في الأداة. الأداة بتقرأ بيانات الصور اللي في حالة خام، يعني مش المنشورة على السوشيال ميديا لأن الشبكات الاجتماعية تلقائيا بتمسح الميتا والاكسف داتا الخاصة بالصور يعني كجزء من الحفاظ على الخصوصية. وبالتالي لازم تكون الصورة منقولة من كاميرا أو ميموري كارد أو الإيميل إلى الأداة مباشرة.

أداة بتسهل لنا الوصول للمزيد من البيانات عن الحسابات الشخصية، اللي هيا متاحة بالفعل لكن مش بنعرف نشوفها لما نفتح الحسابات دي. بمجرد ما تضع رابط حساب خاص بشخص ما في المساحة الخالية المخصصة لده في الأداة بيكون فيه تقسيمات خاصة فيها، زي مثلا ايه الصور أو الفيديوهات اللي اتعمل فيها تاج فيها، وكمان ايه الصور والفيديو اللي هو كتب تعليقات عليها أو عمل لها لايك، ومين زملاءه في العمل والدراسة وايه الأماكن اللي زارها، والصفحات والجروبات اللي مشترك فيها، وايه الايفنتات اللي حضرها قبل كده أو ناوي يحضرها في المستقبل. كل التفاصيل دي مكن تبدو عادية، لكن من خلالها بنقدر نفهم أكتر علاقة صاحب الحساب بالأشخاص اللي حواليه وايه هيا اهتماماته عشان نقدر نبني صورة عامة عنه بحيث نفهم سياق أو الدوافع وراء نشره لبوست بصيغة معينة، وهل ممكن نثق في اللي بيقوله ولا لاء.

كلام كتير منتشر بين إلغاء الجمارك على السيارات الأوروبية بداية 2019، وتأجيل قرار الإلغاء، وتأثير ده على أسعار السيارات، والناس تشتري عادي ولا تستنى لأول السنة الجديدة. حاولنا في البوست ده نجمع أكبر كم من المعلومات الموثوقة المتاحة عن الموضوع👇👇 ‍ ليه الجمارك هتتلغي من على السيارات الأوروبية؟ مصر وقعت مع الاتحاد الأوروبي اتفاقية شراكة لإقامة منطقة تجارة حرة مشتركة سنة 2001، والاتفاقية دي دخلت حيز التنفيذ سنة 2004. بموجب الاتفاقية دي الاتحاد الأوروبي بيلغي الجمارك على بعض السلع المصرية، في مقابل إن مصر المفروض تلغي الجمارك على بعض السلع الصناعية الأوروبية خلال 16 سنة، ومن ضمن السلع دي السيارات. من سنة 2010 بدأ تخفيض تدريجي لجمارك السيارات الأوربي كل سنة 10، وبحسب الاتفاقية فالمفروض في سنة 2019 الجمارك على السيارات الأوروبية تبقى صفر. مصر تحاول تأجيل تطبيق الاتفاقية وزارة التجارة والصناعة تقدمت مؤخرًا بطلب إلى الاتحاد الأوروبي لمنح مصر مهلة لمدة عام أو عامين قبل تطبيق قرار إلغاء التعريفة الجمركية على واردات السيارات الأوروبية إلى مصر بالكامل، بدل إلغائها بالكامل في أول 2019. الاتحاد الأوروبي رفض طلب مصر، وسفير الاتحاد لدى مصر إيفان سوركوش قال، يوم الخميس اللي فات، إن مصر ستخفض التعريفة الجمركية على واردات السيارات الأوروبية إلى صفر بالمائة اعتبارًا من مطلع يناير 2019. وزارة المالية قالت إنها لم تتلق حتى الآن إخطارًا رسميًا من وزارة التجارة والصناعة حول إلغاء الجمارك بالكامل على واردات السيارات الأوروبية، وإنها منتظرة الإخطار لتنفيذ القرار. كده مفيش قدام مصر أي مجال لعدم تنفيذ الاتفاقية غير إلغائها، ومفيش أي مسؤول اتكلم عن إلغاء الاتفاقية، لإن لو تم إلغائها الاتحاد الأوروبي هيفرض جمارك على السلع المصرية، وده هيقلل من قدرتها على المنافسة في أوروبا وبالتالي هيقلل من الصادرات اللي بتدخل عملة صعبة لمصر. ليه الحكومة حاولت تأجل تطبيق قرار إلغاء الجمارك؟🤔 الحكومة حاولت تأجل تطبيق القرار لحين الانتهاء من إعداد استراتيجية صناعة السيارات اللي بتهدف إلى تقديم حوافز للشركات التي تقوم بتجميع السيارات محليًا عشان تقدر تنافس السيارات الأوروبية اللي يتم تجميعها في تركيا والمغرب. الحكومة تأمل إن الاستراتيجية دي تساهم في تطوير وتعميق صناعة السيارات المحلية وزيادة نسبة المكون المحلي من خلال الحوافز التي ستقدمها للمستثمرين. هل أسعار السيارات هتقل؟🤷‍♂️ بعض المسؤولين والخبراء، زي رئيس مصلحة الجمارك السيد نجم، ومستشار وزير المالية لشؤون الجمارك مجدي عبد العزيز، بيقولوا إن تخيفض الجمارك لن يحدث أثرًا كبيرًا على أسعار السيارات فى السوق المصرية، وإنه الأثر هيبقى محدود للغاية. لكن بحسب مسؤولين تانيين زي نائب رئيس شعبة السيارات بالاتحاد العام للغرف التجارية أشرف شرباص، وعضو مجلس إدارة شركة مسوقي السياراتأميك رامي جاد، فالمفروض أسعار السيارات الأوروبية هتقل بنسب ملحوظة. نسب الانخفاض دي آد إيه؟ سعر السيارة في مصر سعر استيرادها من بلد المنشأ الجمارك رسم جدول رسم تنمية 14 قيمة مضافة. وبالتالي البند اللي هيتشال من البنود دي هو بند الجمارك فقط، وهو بند متغير على حسب سعة محرك السيارة. السيارات الأوروبية الأقل من 1300 سي سي جماركها صفر، وبالتالي أسعارها مش هتتغير. السيارات الأوروبية 1600 سي سي جماركها 12 من سعرها في بلد المنشأ، وبالتالي المفروض سعرها في مصر هيقل 12 عن سعرها في بلد المنشأ، يعني لو سعرها في أوروبا 10000 آلاف دولار، المفروض سعرها يقل 1200 دولار. السيارات الأوروبية الأعلى من 1600 سي سي إلى 2000 سي سي سعرها المفروض هيقل بنسبة بنسبة 30 من سعرها في بلد المنشأ. السيارات الأوروبية الأعلى من 2000 سي سي، المفروض سعرها هيقل بنسبة 40 من سعرها في بلد المنشأ. أصحاب معارض السيارات اللي عندهم عربيات مركونة هيعملوا إيه؟ في ركود حاليًا في سوق السيارات بنسبة بلغت 35، لإن كل الناس منتظرة تخفيض الجمارك عشان الأسعار تقل شوية. في معارض سيارات بتقول إن الأسعار مش هتتغير كتير عشان تقنع الناس تشتري من المخزون اللي عندها بالسعر الحالي، وفي معارض تانية أخدت مبادرة لتحريك السوق وعرضت إنها ترجع فرق سعر السيارات اللي هينخفض في أول 2019 للناس اللي هتشتري دلوقتي.