فرز الأخبار

أداة لبحث متقدم على فيس بوك من خلال أداة ، وهي حروف مختصرة لـالبحث المتقدم لفيس بوك، ممكن لمستخدميها السيرش بشكل أكثر دقة عن أي شىء على فيس بوك، خاصة ما يتعلق بالحسابات الشخصية أو الصفحات العامة. بعد ما تثبت اكستنشن الأداة على جوجل كروم تقدر تستخدمها من خلال انك بتفتح الحساب اللي بتسيرش فيه وبعدين تضغط على أيقونة الأداة اللي بتوفر لك إمكانية البحث في صور واهتمام الأشخاص والأماكن اللى زاروها وقوائم الأصدقاء. وكمان تسيرش عن عبارات أو كلمات معينة تعتقد أن الحساب كتبه، وبتحدد له نطاق الفترة الزمنية للسيرش، وده أوبشن كويس لأنه بيضيق دايرة البحث في وقت محدد بعينه. زي كل مرة بنتكلم عن الأدوات المستخدمة في السيرش على فيس بوك، بنأكد إنه الهدف مش اختراق خصوصية حد، سوى إنه الأدوات بتستخدم لأغراض مهنية بحتة أو للتأكد من شىء. وكمان تعتبر الأدوات دي فرصة لينا نعرف الأشخاص اللي مش شرط يكونوا في قوائم أصدقائنا حتى، ايه اللي يقدروا يشوفوه في حساباتنا فنقوم وقتها بتعديل إعدادات الخصوصية لتحقيق حد أدنى من الأمان والخصوصية بعيدًا عن المتلصصين.

تخفيض الدعم الحكومي على طفلين فقط بداية من يناير 2019 في كلام كتير جدًا منتشر عن إن الحكومة هتقصر الدعم على طفلين اتنين فقط من أول يناير الجاي. الكلام ده أثار مخاوف ناس كتير، خاصة الناس اللي الدعم بيمثلهم مساعدة مهمة في دخلهم. فإحنا هنا بنوضح الموضوع بالظبط.⬇️⬇️ إيه أصل الموضوع؟ الموضوع بدأ في 22 نوفمبر الماضي بتصريحات من رئيس الوزراء مصطفى مدبولي، خلال فعاليات المؤتمر السنوي الثالث لبرنامج تكافل وكرامة، قال فيها إن خدمات الدعم النقدى ستقتصر على طفلين فقط في الأسرة وليس 3 أطفال، بداية من شهر يناير 2019. المستشار نادر سعد، المتحدث باسم مجلس الوزراء، وأكتر من مسؤول حكومي تاني، وضحوا إن المقصود بالقرار هو الأسر اللي بيقدم لها دعم نقدي في إطار برنامج تكافل وكرامة للدعم النقدي المشروط. الحكومة بتقول إن القرار ده هيمكنها من إضافة أُسرِ جَديدةِ للمنظومة هي في أمسِ الحاجةِ إلى الدعمِ، وإنه من غيرِ العدالة أن تَستفيد الأسر الكبيرة من دعم مضاعف وتُحرم أسر أخرى من الدعم بشكل كامل، لكن في انتقادات للقرار لإنه سيتسبب في زيادة الفقر والجهل بين أبناء الأسر الفقيرة التى ستحرم من دعم تكافل وكرامة. في كلام كمان على إن القرار ده غير دستوري، لإن الدستور ينص على أن المواطنين أمام القانون سواء ولا يمكن التمييز بينهم، والقرار يعتبر نوع من التمييز. طب والأسر اللي في برنامج تكافل حاليًا، هيعملوا فيها إيه؟ بحسب تصريحات عدة مسؤولين في وزارة التضامن الاجتماعي، فالقرار لن يتم تطبيقه بأثر رجعي، والأسر التي تحصل حاليًا على دعم لـ 3 أطفال لن يتم المساس بها، والقرار يقتصر فقط على الأسر التي ستدخل حديثًا إلى منظومة الدعم النقدي. هل في تغير في دعم بطاقات التموين؟ حتى الآن مفيش أي تغيير فيه، لكن رئيس الوزراء قال في كلمته إنه بيتم حاليًا دراسة أكتر من سيناريو للتعامل وترشيد الدعم العيني أيضًا، وسيتم الإعلان عنه خلال العام القادم.

بوست متداول بشكل كبير بيقول: حقائق واقعية: السويد لا سجون سويسرا لا فقراء النمسا لا تلوث اليابان لا جهل ألمانيا لا بطالة.