فرز الأخبار

جزء رئيسي من عملية التحقق هو الوصول إلى مصدر المعلومات، أحيانا يكون معانا الاسم أو الإيميل أو رقم التليفون لكن مش عارفين فين حساب الشخص عشان نرجع له ونفهم أكتر ليه نشر معلومات بسياق معين. واحدة من أفضل أدوات البحث الشامل عن الأشخاص، لأنها تبحث عن أثر وجودهم في مختلف الشبكات الاجتماعية زي فيس بوك وتويتر، ومحركات البحث وقواعد البيانات المتاحة، وغيرها بشكل أفضل عن مجرد قيامنا بسيرش بدائي باستخدام محرك بحث عام. بمجرد ما تكتب الاسم المحتمل للشخض أو رقم موبايله أو الإيميل، بيعرض لك قائمة مطولة للأشخاص المحتمل إنك بتدور عليهم، وكمان تقدر تعمل فلترة بشكل أدق أكبر، حسب المكان على سبيل المثال.

بشكل مفاجئ، أعلنت وزارة الزراعة واستصلاح الأراضي، بدء العمل بقانون منع دخول الدواجن الحية رقم 70 لسنة 2009 في محافظتي القاهرة والجيزة. أيه حكاية القانون ده؟ القانون ده كان صدر سنة 2009، وقت انتشار إنفلونزا الطيور في مصر، وقتها الرئيس الأسبق محمد حسني مبارك، أصدر القانون رقم 70 لسنة 2009 بتاريخ 3 مايو 2009، بشأن تنظيم تداول وبيع الطيور والدواجن الحية وعرضها للبيع. ووزير الزراعة وقتها، الدكتور أمين أباظة، وزير الزراعة واستصلاح الأراضي حينها، القرار رقم 941 لسنة 2009، بشأن اللائحة التنفيذية للقانون رقم 70 لسنة 2009. ليه افتكروا القانون بعد 9 سنوات من صدوره؟ وزير الزراعة منى محرز، قالت لموقع مصراوي إن القرار جرى تجميده عقب ثورة يناير 2011؛ نظرًا للظروف التي كانت تمر بها الدولة، ونحن على أبواب فصل الشتاء الذي تنتشر فيه الفيروسات المختلفة، وبالتالي كان تفعيل هذا القانون الآن ضرورة للحفاظ على الثروة الداجنة. ليه عايزين يطبقوا القانون؟ وزير الزراعة منى محرز، قالت إن الهدف من القانون، الحفاظ على الثروة الحيوانية من انتشار الفيروسات الخطرة وعلى رأسها أنفلونزا الطيور، التي يمكن أن تحصد ملايين الدواجن خلال ساعات. كمان الوزارة ذكرت أنها تهدف الحد من بيع الدواجن الحية وتشجيع استهلاك الدواجن المجمدة والمبردة، بدلا منها. ايه اللي في القانون واللائحة دول؟ اللائحة منعت أي انتقال للدواجن الحية من المزارع إلى أي مكان. المادة الأولى منها بتقول لا يسمح بنقل الطيور والدواجن الحية بكافة أنواعها فيما عدا الكتاكيت عمر يوم واحد من المزارع إلى أي مكان آخر، إلا إذا كانت مصحوبة بتصريح من الهيئة العامة للخدمات البيطرية بعد الفحص في المعمل القومي للرقابة البيطرية على الإنتاج الداجني وثبوت خلوها من مرض إنفلونزا الطيور. كمان حددت في المادة الثانية وقتها سنة 2009، أماكن بعينها محظور فيها تداول وبيع الطيور والدواجن الحية في مدن القاهرة الجيزة 6 أكتوبر الشيخ زايد حلوان حي المعادي شبرا الخيمة الإسكندرية. كمان القانون كان حدد فترة انتقالية لا تزيد على السنة للتحول التدريجي من تداول وبيع الطيور والدواجن الحية، إلى المجهزة والمذبوحة في المجازر المرخصة من وزارة الزراعة. إيه العقوبات على الأماكن اللي هتخالف القرار وتبيع دواجن حية؟ المادة 3 من القانون حددت العقوبات يعاقب على كل مخالفة من أحكام المادة الأولى من هذا القانون أو القرارات الصادرة تنفيذًا له بالحبس مدة لا تقل عن 6 أشهر وبغرامة لا تقل عن 1000 جنيه ولا تزيد على 10000 آلاف جنيه، أو بإحدى هاتين العقوبتين، وتضاعف العقوبة في حديها الأدنى والأقصى في حالة العودة إلى ارتكاب ذات المخالفة. وفي جميع الأحوال يقضى في حكم الإدانة بمصادرة الطيور والدواجن محل المخالفة لحساب وزارة الزراعة، وبغلق الأماكن التي تم ارتكاب المخالفة فيها لمدة 3 أشهر، ويكون الغلق نهائيًا في حالة العودة.

وصلنا أسئلة كتير عن مدى صحة الكلام عن انقطاع الإنترنت النهاردة 11 أكتوبر 2018 في مصر والعالم كله، وهنا نحب نوضح التالي: الكلام ده مش حقيقي، الإنترنت مش هيقطع عن العالم كله، اللي هيحصل إنه هيبقي فيه هناك انقطاعات أو صعوبة يواجهها بعض مستخدمي الإنترنت في التصفح، لكن نطاق التأثر بده لا يتعدى 1 من المستخدمين في العالم كله، بينما 99 هيكون في مقدورهم التصفح عادي، حسب منظمة آيكان المسؤولة والمعنية عن نطاقات الإنترنت. الكلام ده أعلنته المنظمة في 22 أغسطس الماضي، وقالت إن الانقطاعات وصعوبة التصفح هتأثر فقط على 36 مليون مستخدم حول العالم، ولم تحدد منطقة معينة قد تتضرر. وأشارت إلى أن الخلل ده هيستمر لمدة 48 ساعة. آيكان أوضحت إن سبب الانقطاعات هو قيامها بتغيير مفاتيح التشفير اللي بتساعد على حماية نظام أسماء النطاقات على الإنترنت . وكمان نشرت دليل لإخبار الناس بالتأثيرات المتوقعة وازي يتعاملوا معاها. القصة نالت اهتمام صحف مصرية كتير واللي كمان وضحة حقيقة انقطاع الإنترنت في العالم، ونشرت توضيحات لمسؤولين وخبراء.

أداة . من الأدوات البسيطة اللي بتعطينها تحليل مفصل بشكل سريع لأداء أي حساب على تويتر، وبالتالي بيعطينا الفرصة لفهم سلوكيات الحساب ومدى إمكانية الوثوق في ما يبثه من تغريدات. يعني مثلا، الأداة بتعرفنا امتى تم إنشاء الحساب بالظبط على تويتر، وايه أكثر الموضوعات اللي مهتم إنه يكتب عنها. بجانب تحديدها لأكثر الناس اللي بيتفاعل معاهم، وايه حجم ونوعية تفاعله، من حيث كيفية تغريده والردود، وما تحتويه تغريداته، سواء كانت روابط أو مواد مصورة. وكمان الأداة بتعطينا انطباع عن الحالة المزاجية لصاحب الحساب، وإيه أكتر الأوقات اللي بيقوم فيها بالتغريد. كل ده بيحصل بمجرد ما تضع هاندل الحساب في المساحة المخصصة الخالية لها على موقع الأداة، وبعدين تضغط .

من خلال أداة تقدر تستخدم مختلف الخرائط من خلال نافذة واحدة بتجمع ما بين رؤية الأماكن بطرق عرض وبحث مختلفة ميزة الأداة إنها بتوفر الوقت وكمان تسهل بحثك عن مكان معين. مثلا من خلالها تقدر تشوف مكان معين من خلال خدمة جوجل ستريت فيو وخرائط جوجل وكمان الرؤية الفوقية عين الطائر في مكان واحد. كل ما عليك سوى أنك بعد تفتح موقع الأداة تضغط على ، وبتنتقل لصفحة تانية فيها مساحة خالية فوق الخرائط بتحدد فيها المكان اللى حابب تبحث عنه. الأداة جزء من مشروع أكبر للخرائط لما تدور أكتر فيها هتلقى إمكانات أكتر للبحث عبر الخرائط، وفيها كمان أوبشن إنك تعمل خريطتك المزدوجة الخاصة بيها وتضمينها في موقع إلكتروني.

في أوقات نكون محتاجين نحتفظ بصور أو ستوريز أو فيديوهات منشورة من خلال تطبيق المملوك لانستجرام، خاصة لو كانت الحاجات دي مهمة ومحتاجينها في شغل أو شىء ما. فيه أداة بسيطة اسمها ممكن خلالها نقدر نحتفظ بمحتوى حسابات معينة، خاصة إذا كنا نتوقع إنه يتم حذفها في وقت لاحق، وتتعلق بمشكلة أو قضية مهمة. بمجرد ما تضع هاندل الحساب أو اسم الدخول الخاص بالحساب، بيتم استعراض بياناته ووقتها تحدد إيه ممكن تنزله حسب اختياراتك.