دحض الإدعاء

في #إشاعة_تاريخية منتشرة عند المصريين بتقول إن عدد الستات أكبر من عدد الرجالة بكتير، وعشان كده الراجل لازم يعدد زوجات عشان تقليل العنوسة. يا ترى هل الكلام ده صحيح؟⬇️⬇️

– بحسب الجهاز المركزي للتعبئة العامة والإحصاء، عدد السكان التقديري للمصريين بالداخل وصل في بداية 2019 إلى 98 مليون نسمة، منهم 50.5 مليون ذكر بنسبة 51.5%، و47.5 مليون أنثى 48.5%، يعني ببساطة عدد الذكور أكبر من عدد الإناث بـ3 مليون نسمة.✅✅

– النسبة العالمية الطبيعية للذكور إلى الإناث عند الولادة هي 105 ذكور مقابل 100 أنثى، وده بسبب الحاجة إلى رجال إضافيين للمحافظة على التوازن لأن الرجال يموتون قبل النساء. ✅✅

– نسبة الذكور إلى الإناث عندنا في مصر هي 106.3 ذكور لكل 100 أنثى، يعني أعلى من النسبة العالمية بحاجة بسيطة، يعني الوضع في مصر طبيعي، وأسطورة إن عدد الستات أكبر من عدد الرجالة بكتير دي غير حقيقية بالمرة.👫

– الأسطورة دي مش منتشرة عندنا في مصر بس، لا ده ليها انتشار عالمي كبير من سنوات، وسبق ونفتها الأمم المتحدة وأكدت إن وفق بياناتها، عدد الذكور في العالم أكبر من عدد الإناث بـ65 مليون نسمة، لكن يظل في المعدلات الطبيعية.👭