دحض الإدعاء

– إذا كنت على الطريق أو بتفكر تخرج النهارده أو بتخطط لرحلة وعاوز تعرف أحوال الطقس لأسبوع قدام، أداة Windy بتساعدك تعرف الأجواء هتبقى مناسبة ولا لاء.

– الأداة لها موقع وكمان تطبيق للموبايل بأكثر من 40 لغة، منها اللغة العربية.. دقة مؤشرات الأداة يخليها مش بس مفيدة للمتخصصين، لكن كمان للأشخاص العاديين والسواقين والصيادين وهواة الألعاب المائية والتجديف.. وكمان الجهات الحكومية وفرق الإنقاذ.

– الأداة عبارة عن خريطة حية بتتحدث كل خمس دقايق وشكلها ممتع من خلال الألوان اللي بتشير مثلًا لأكثر المناطق اللي فيها أمطار كتير، ومعدل تراكم الأمطار، وسرعة الرياح.

– وفيها تقسيمات مختلفة لحالة الطقس (اتجاهات الرياح، الأمطار ونوعها وكمياتها، الثلج، الحرارة، الرطوبة، الأمواج وارتفاعها… حركة الملاحة إلخ).

– كمان بترصد الطقس من خلال الإحداثيات ومعلومات عن المكان المحدد ووقت شروق وغروب الشمس فيه… وأيضًا يمكن تضمينها في مواقع الإلكترونية.