فرز الأخبار

خلال الكام يوم اللي فاتوا، انتشر كلام كتير عن وجود توجه من الدولة لزيادة أسعار تذاكر المترو، وإن سعر التذكرة ممكن يوصل 16 جنيه.👀👀 إيه بداية الموضوع؟ مع بدء اختبارات التشغيل للمرحلة الرابعة من خط المترو الثالث، بتبدأ من محطة الأهرام وحتى محطة نادي الشمس، وزير النقل هشام عرفات قال إن التذكرة أم 7 جنيه ما زالت مدعمة بـ9 جنيه الخط الأول لم يخضع لصيانة حقيقة لمدة 30 عامًا ويحتاج الآن لـ30 مليار جنيه لتطويره زيادة التذاكر محل دراسة مش هنثبت على رقم لمدة 12 سنة. التغيير بيبقى شديد على المواطنين، والمواطنين تعبوا معانا وهما عارفين أهمية مترو الأنفاق، ولا بد أن نحافظ على استدامة هذه الخدمة. كمان نائب وزير النقل عمرو شعث، قال إن القيمة الحقيقية لتذكرة المترو أم 7 جنيه 16 جنيه و44 قرش، وإن الدولة هتظل تدعم المترو لإنه مرفق خدمي يعتمد بشكل أساسي على دعم الدولة، وإنهم مش عاوزين ياخدوا كامل الفرق بس لازم يقللوه، عشان كده كل سنة هتتم مراجعة أسعار التذاكر، وفي دراسات حالية لزيادتها. الوزير ظهر تاني، في تصريحات تلفزيونية، ونفى زيادة أسعار تذاكر مترو الأنفاق للخط الأول والثاني وقال إنها ثابتة مش هتتغير حاليًا في المرحلة دي، وقال إنه بيتم دراسة زيادة سعر تذاكر الخط الثالث، لكن إلى الآن لم يتم تحديد الزيادة. هل سعر التذكرة فعلًا 16 جنيه؟ في شهر ديسمبر اللي فات، وزير النقل هشام عرفات قال، في برنامج العاشرة مساء، إن التكلفة الحقيقية لتذكرة المترو من 8 إلى 10 جنيه، وحاليًا بيقول إن تكلفتها أكتر من 16، يعني التكلفة الحقيقية للتذكرة ارتفعت أقل حاجة 60 خلال حوالي 10 شهور، بدون توضيح لسبب الارتفاع ده. البرلمان بيقول إيه؟ الكلام عن زيادة أسعار التذاكر اتقابل برفض واسع من نواب البرلمان. على سبيل المثال وكيل لجنة النقل والمواصلات النائب محمد عبد الله زين الدين، قال إن كلام مجرد تصريحات لا ترقى لمستوى قرار، وإن عمليه الزيادة لن تتم فى الوقت الحالي لأن أى محاولة لذلك ستقابل بالرفض . النائب عمرو الجوهرى عضو اللجنة الاقتصادية بالبرلمان، رفض تصريحات الوزير، إن هذا المقترح مرفوض، خاصة أن الحكومة سبق ورفعت التذاكر مرتين فيما سبق، مشيرًا إلى أن الخسائر التى تكبدها المرفق ناتجة عن سوء الإدارة لذلك يجب ألا يتحملها المواطن.

للبحث على تويتر وفيس بوك ولينكد ان في مكان واحد من خلال أداة ممكن بسهولة ومرونة نقوم بعمليات بحث شاملة على 3 شبكات اجتماعية فيس بوك، تويتر، لينكد ان في وقت ومكان واحد. الأداة عبارة عن اكستنشن بيتم تثبيته على متصفح جوجل كروم، بحيث يكون قريب وسهل الاستخدام. الأداة، فيها تقسيمات كويسة جدًا للبحث تضمن دقة النتايج اللي بندور عليها، سواء كانت عبارة عن معلومات أو أشخاص أو صفحات وغيرها. زي مثلا لو حابين نبحث عن شىء في وقت محدد بعينه بدلا من معاناة البحث على محرك فيس بوك العادي، اللي دايما بيظهر لنا نتايج بحث من فترات بعيدة أو مش قريبة من اللي الحاجات اللي بندور عليها. وممكن من خلالها توصل بدقة للبوستات المصورة اللي صادرة منك أو أشخاص آخرين، وتعرف مين اللي تفاعل معاها أما لو مهتم بالسيرش عن الايفنتات فالأداة تتيح لك ده بسهولة.

من الأدوات البسيطة سهلة الاستخدام اللي ممكن نستخدمها في حالة لو عاوزين نعرف تفاصيل أكتر عن حساب ما تويتر. التفاصيل اللي ممكن نعرفها، زي امتي صاحب الحساب أنشأه بالظبط، وايه الأجهزة وأنظمة التشغيل اللي بيستخدمها الشخص خلال ظهوره على تويتر. بجانب التطبيقات والشبكات الاجتماعية المُستخدمة من قبل صاحب الحساب، وأحيانا تدينا إحداثيات الموقع الجغرافي، والأماكن اللي قام بزيارتها، في حال إنه عمل في مكان معين… وإيه أول تويتة كتبها في حسابه وتاريخها، وآخر تويت في حسابه، الموضوعات والحسابات اللي بيتعامل معاها.

جزء رئيسي من عملية التحقق هو الوصول إلى مصدر المعلومات، أحيانا يكون معانا الاسم أو الإيميل أو رقم التليفون لكن مش عارفين فين حساب الشخص عشان نرجع له ونفهم أكتر ليه نشر معلومات بسياق معين. واحدة من أفضل أدوات البحث الشامل عن الأشخاص، لأنها تبحث عن أثر وجودهم في مختلف الشبكات الاجتماعية زي فيس بوك وتويتر، ومحركات البحث وقواعد البيانات المتاحة، وغيرها بشكل أفضل عن مجرد قيامنا بسيرش بدائي باستخدام محرك بحث عام. بمجرد ما تكتب الاسم المحتمل للشخض أو رقم موبايله أو الإيميل، بيعرض لك قائمة مطولة للأشخاص المحتمل إنك بتدور عليهم، وكمان تقدر تعمل فلترة بشكل أدق أكبر، حسب المكان على سبيل المثال.

بشكل مفاجئ، أعلنت وزارة الزراعة واستصلاح الأراضي، بدء العمل بقانون منع دخول الدواجن الحية رقم 70 لسنة 2009 في محافظتي القاهرة والجيزة. أيه حكاية القانون ده؟ القانون ده كان صدر سنة 2009، وقت انتشار إنفلونزا الطيور في مصر، وقتها الرئيس الأسبق محمد حسني مبارك، أصدر القانون رقم 70 لسنة 2009 بتاريخ 3 مايو 2009، بشأن تنظيم تداول وبيع الطيور والدواجن الحية وعرضها للبيع. ووزير الزراعة وقتها، الدكتور أمين أباظة، وزير الزراعة واستصلاح الأراضي حينها، القرار رقم 941 لسنة 2009، بشأن اللائحة التنفيذية للقانون رقم 70 لسنة 2009. ليه افتكروا القانون بعد 9 سنوات من صدوره؟ وزير الزراعة منى محرز، قالت لموقع مصراوي إن القرار جرى تجميده عقب ثورة يناير 2011؛ نظرًا للظروف التي كانت تمر بها الدولة، ونحن على أبواب فصل الشتاء الذي تنتشر فيه الفيروسات المختلفة، وبالتالي كان تفعيل هذا القانون الآن ضرورة للحفاظ على الثروة الداجنة. ليه عايزين يطبقوا القانون؟ وزير الزراعة منى محرز، قالت إن الهدف من القانون، الحفاظ على الثروة الحيوانية من انتشار الفيروسات الخطرة وعلى رأسها أنفلونزا الطيور، التي يمكن أن تحصد ملايين الدواجن خلال ساعات. كمان الوزارة ذكرت أنها تهدف الحد من بيع الدواجن الحية وتشجيع استهلاك الدواجن المجمدة والمبردة، بدلا منها. ايه اللي في القانون واللائحة دول؟ اللائحة منعت أي انتقال للدواجن الحية من المزارع إلى أي مكان. المادة الأولى منها بتقول لا يسمح بنقل الطيور والدواجن الحية بكافة أنواعها فيما عدا الكتاكيت عمر يوم واحد من المزارع إلى أي مكان آخر، إلا إذا كانت مصحوبة بتصريح من الهيئة العامة للخدمات البيطرية بعد الفحص في المعمل القومي للرقابة البيطرية على الإنتاج الداجني وثبوت خلوها من مرض إنفلونزا الطيور. كمان حددت في المادة الثانية وقتها سنة 2009، أماكن بعينها محظور فيها تداول وبيع الطيور والدواجن الحية في مدن القاهرة الجيزة 6 أكتوبر الشيخ زايد حلوان حي المعادي شبرا الخيمة الإسكندرية. كمان القانون كان حدد فترة انتقالية لا تزيد على السنة للتحول التدريجي من تداول وبيع الطيور والدواجن الحية، إلى المجهزة والمذبوحة في المجازر المرخصة من وزارة الزراعة. إيه العقوبات على الأماكن اللي هتخالف القرار وتبيع دواجن حية؟ المادة 3 من القانون حددت العقوبات يعاقب على كل مخالفة من أحكام المادة الأولى من هذا القانون أو القرارات الصادرة تنفيذًا له بالحبس مدة لا تقل عن 6 أشهر وبغرامة لا تقل عن 1000 جنيه ولا تزيد على 10000 آلاف جنيه، أو بإحدى هاتين العقوبتين، وتضاعف العقوبة في حديها الأدنى والأقصى في حالة العودة إلى ارتكاب ذات المخالفة. وفي جميع الأحوال يقضى في حكم الإدانة بمصادرة الطيور والدواجن محل المخالفة لحساب وزارة الزراعة، وبغلق الأماكن التي تم ارتكاب المخالفة فيها لمدة 3 أشهر، ويكون الغلق نهائيًا في حالة العودة.

وصلنا أسئلة كتير عن مدى صحة الكلام عن انقطاع الإنترنت النهاردة 11 أكتوبر 2018 في مصر والعالم كله، وهنا نحب نوضح التالي: الكلام ده مش حقيقي، الإنترنت مش هيقطع عن العالم كله، اللي هيحصل إنه هيبقي فيه هناك انقطاعات أو صعوبة يواجهها بعض مستخدمي الإنترنت في التصفح، لكن نطاق التأثر بده لا يتعدى 1 من المستخدمين في العالم كله، بينما 99 هيكون في مقدورهم التصفح عادي، حسب منظمة آيكان المسؤولة والمعنية عن نطاقات الإنترنت. الكلام ده أعلنته المنظمة في 22 أغسطس الماضي، وقالت إن الانقطاعات وصعوبة التصفح هتأثر فقط على 36 مليون مستخدم حول العالم، ولم تحدد منطقة معينة قد تتضرر. وأشارت إلى أن الخلل ده هيستمر لمدة 48 ساعة. آيكان أوضحت إن سبب الانقطاعات هو قيامها بتغيير مفاتيح التشفير اللي بتساعد على حماية نظام أسماء النطاقات على الإنترنت . وكمان نشرت دليل لإخبار الناس بالتأثيرات المتوقعة وازي يتعاملوا معاها. القصة نالت اهتمام صحف مصرية كتير واللي كمان وضحة حقيقة انقطاع الإنترنت في العالم، ونشرت توضيحات لمسؤولين وخبراء.