فرز الأخبار

بوست متداول بشكل كبير بيقول: حقائق واقعية: السويد لا سجون سويسرا لا فقراء النمسا لا تلوث اليابان لا جهل ألمانيا لا بطالة.

جزء كبير من المشاكل اللي بتواجهنا في محاربة الأخبار الكاذبة، هو اقتطاع المعلومات من سياقها، ووضع معلومات حقيقية في مقارنات غير منطقية. زي ما حصل أول امبارح، الإعلامي عمرو أديب قال، في حلقة برنامجه الحكاية الحكاية وما فيها مع عمرو اديب على قناة إم بي سي مصر  مصر، إن سعر لتر البنزين في فرنسا 1.5 يورو 30 جنيه، عشان لما تيجي تقولي هما بياخدوا كام بس هما الأسعار عندهم كام كمان، وده سعره العالمي عندهم يعني ده السعر بتاع لتر البنزين زي ما ربنا خلقه في السوق الحد الأدنى للأجور كام؟ زينا، بس زينا الموازي له باليورو، اللي هما كام؟ 1200 أو 1400 يورو. 15 من الشعب الفرنسي يعيش تحت 1500 يورو يعيش تحت خط الفقر، وعندهم لتر البنزين بيورو ونص بما يوازي 30 جنيه مصري.‍ الأرقام اللي عمرو أديب ذكرها مش دقيقة أوي لكن حالها ممكن يمشي. يعني سعر لتر البنزين في فرنسا بدقة هو 1.46 يورو، والحد الأدنى للأجور 1498 يورو، ونسبة من يعيشون تحت خط الفقر 14، مع ذلك ممكن نمشي كلام عمرو ونقول قريب من الدقيق. المغالطة اللي عمرو ارتكبها هو إنه يحسب سعر لتر البنزين بالمصري، وفي نفس ذات الوقت ميحسبش الحد الأدنى للدخل للفرنسيين بالمصري. يقول 1.5 يورو 30 جنيه مصري وكأن مستوي دخل المواطن المصري زي المواطن الفرنسي. وكأنه اليورو بيساوي جنيه مصري. يعني نلاقي عمرو أديب بيقول سعر لتر البنزين في فرنسا بـ1.5 يورو 30 جنيه ، لكنه يتجاهل مثلا إن الحد الأدنى للأجور 1498 يورو 30.2 ألف جنيه، ده بغض النظر عن منطقية المقارنة بين مصر وفرنسا على كل المستويات. كمان بما إن عمرو أديب ذكر إن نسبة الفقراء في فرنسا 15 الحقيقة هي 14 في 2017، فالمفروض يذكر كمان إن نسبة الفقراء في مصر بحسب احصاء 2015 كانت 27.8، اللي حوالي أكتر من 27 مليون مصري، والكلام ده كان قبل تعويم الجنيه، ولم يظهر احصاء جديد منذ التعويم إلى الآن. وضع معلومات صحيحة في سياق غير مناسب هو نوع من أنواع الكذب والتزييف والتضليل.

كلام كتير منتشر بين إلغاء الجمارك على السيارات الأوروبية بداية 2019، وتأجيل قرار الإلغاء، وتأثير ده على أسعار السيارات، والناس تشتري عادي ولا تستنى لأول السنة الجديدة. حاولنا في البوست ده نجمع أكبر كم من المعلومات الموثوقة المتاحة عن الموضوع👇👇 ‍ ليه الجمارك هتتلغي من على السيارات الأوروبية؟ مصر وقعت مع الاتحاد الأوروبي اتفاقية شراكة لإقامة منطقة تجارة حرة مشتركة سنة 2001، والاتفاقية دي دخلت حيز التنفيذ سنة 2004. بموجب الاتفاقية دي الاتحاد الأوروبي بيلغي الجمارك على بعض السلع المصرية، في مقابل إن مصر المفروض تلغي الجمارك على بعض السلع الصناعية الأوروبية خلال 16 سنة، ومن ضمن السلع دي السيارات. من سنة 2010 بدأ تخفيض تدريجي لجمارك السيارات الأوربي كل سنة 10، وبحسب الاتفاقية فالمفروض في سنة 2019 الجمارك على السيارات الأوروبية تبقى صفر. مصر تحاول تأجيل تطبيق الاتفاقية وزارة التجارة والصناعة تقدمت مؤخرًا بطلب إلى الاتحاد الأوروبي لمنح مصر مهلة لمدة عام أو عامين قبل تطبيق قرار إلغاء التعريفة الجمركية على واردات السيارات الأوروبية إلى مصر بالكامل، بدل إلغائها بالكامل في أول 2019. الاتحاد الأوروبي رفض طلب مصر، وسفير الاتحاد لدى مصر إيفان سوركوش قال، يوم الخميس اللي فات، إن مصر ستخفض التعريفة الجمركية على واردات السيارات الأوروبية إلى صفر بالمائة اعتبارًا من مطلع يناير 2019. وزارة المالية قالت إنها لم تتلق حتى الآن إخطارًا رسميًا من وزارة التجارة والصناعة حول إلغاء الجمارك بالكامل على واردات السيارات الأوروبية، وإنها منتظرة الإخطار لتنفيذ القرار. كده مفيش قدام مصر أي مجال لعدم تنفيذ الاتفاقية غير إلغائها، ومفيش أي مسؤول اتكلم عن إلغاء الاتفاقية، لإن لو تم إلغائها الاتحاد الأوروبي هيفرض جمارك على السلع المصرية، وده هيقلل من قدرتها على المنافسة في أوروبا وبالتالي هيقلل من الصادرات اللي بتدخل عملة صعبة لمصر. ليه الحكومة حاولت تأجل تطبيق قرار إلغاء الجمارك؟🤔 الحكومة حاولت تأجل تطبيق القرار لحين الانتهاء من إعداد استراتيجية صناعة السيارات اللي بتهدف إلى تقديم حوافز للشركات التي تقوم بتجميع السيارات محليًا عشان تقدر تنافس السيارات الأوروبية اللي يتم تجميعها في تركيا والمغرب. الحكومة تأمل إن الاستراتيجية دي تساهم في تطوير وتعميق صناعة السيارات المحلية وزيادة نسبة المكون المحلي من خلال الحوافز التي ستقدمها للمستثمرين. هل أسعار السيارات هتقل؟🤷‍♂️ بعض المسؤولين والخبراء، زي رئيس مصلحة الجمارك السيد نجم، ومستشار وزير المالية لشؤون الجمارك مجدي عبد العزيز، بيقولوا إن تخيفض الجمارك لن يحدث أثرًا كبيرًا على أسعار السيارات فى السوق المصرية، وإنه الأثر هيبقى محدود للغاية. لكن بحسب مسؤولين تانيين زي نائب رئيس شعبة السيارات بالاتحاد العام للغرف التجارية أشرف شرباص، وعضو مجلس إدارة شركة مسوقي السياراتأميك رامي جاد، فالمفروض أسعار السيارات الأوروبية هتقل بنسب ملحوظة. نسب الانخفاض دي آد إيه؟ سعر السيارة في مصر سعر استيرادها من بلد المنشأ الجمارك رسم جدول رسم تنمية 14 قيمة مضافة. وبالتالي البند اللي هيتشال من البنود دي هو بند الجمارك فقط، وهو بند متغير على حسب سعة محرك السيارة. السيارات الأوروبية الأقل من 1300 سي سي جماركها صفر، وبالتالي أسعارها مش هتتغير. السيارات الأوروبية 1600 سي سي جماركها 12 من سعرها في بلد المنشأ، وبالتالي المفروض سعرها في مصر هيقل 12 عن سعرها في بلد المنشأ، يعني لو سعرها في أوروبا 10000 آلاف دولار، المفروض سعرها يقل 1200 دولار. السيارات الأوروبية الأعلى من 1600 سي سي إلى 2000 سي سي سعرها المفروض هيقل بنسبة بنسبة 30 من سعرها في بلد المنشأ. السيارات الأوروبية الأعلى من 2000 سي سي، المفروض سعرها هيقل بنسبة 40 من سعرها في بلد المنشأ. أصحاب معارض السيارات اللي عندهم عربيات مركونة هيعملوا إيه؟ في ركود حاليًا في سوق السيارات بنسبة بلغت 35، لإن كل الناس منتظرة تخفيض الجمارك عشان الأسعار تقل شوية. في معارض سيارات بتقول إن الأسعار مش هتتغير كتير عشان تقنع الناس تشتري من المخزون اللي عندها بالسعر الحالي، وفي معارض تانية أخدت مبادرة لتحريك السوق وعرضت إنها ترجع فرق سعر السيارات اللي هينخفض في أول 2019 للناس اللي هتشتري دلوقتي.

خبر متداول بشكل كبير على مواقع التواصل الاجتماعي نقلًا عن موقع اليوم السابع ، بيقول: لجنة زراعة حزب النور بكفر الشيخ تكتشف نباتا ينتج بطاطس وطماطم فى آن واحدورئيس اللجنة المركزية بالوزارة: سنبحث الاكتشاف ومدى آثاره على الإنسان وفرق بحثية من الجامعة والزراعة لحسم الأمر. حزب النور الصفحة الرسمية أولًا، الخبر ده قديم من أبريل 2014، وبيتم إعادة تداوله بشكل ساخر اليومين دول على خلفية أزمة نقص البطاطس.👀👀 زراعة نبات ينتج بطاطس وطماطم في وقت واحد ده مش اكتشاف من لجنة زراعة حزب النور ولا حاجة، الموضوع تم تجربته في بريطانيا في 2013 على إيد شركة طومسون ومورغان المتخصصة في البستنة، والتجربة نجحت وصحف ومواقع بريطانية زي بي بي سي نشروا عنها. تجربة حزب النور مكنتش تجربة ولا حاجة، ده الموضوع طلع صدفة مع أحد المواطنين اللي زرع تقاوي بطاطس وفوجئ إن النبات أنتج بطاطس وطماطم في نفس الوقت، ووقتها اللجنة الزراعية بحزب النور اهتمت بالموضوع وتم تسويقه إعلاميًا باعتباره إعجاز رباني وسابقة علمية كبيرة، وتمت المطالبة بتوجيه لجان بحثية فى مجال الوراثة ومجال الخضار لبحث الموضوع. في الوقت ده رئيس الإدارة المركزية بوزارة الزراعة قال إنه سيتم دراسة الظاهرة وفي حالة كونها مجدية سيتم تعميمها من خلال مراكز البحوث الزراعية ويتم إصدار تقاوي وتوزيعها، لكن بعدها الموضوع نام تماما ومحدش اتكلم فيه تاني ولا شفنا بيانات من الوزارة أو من أي جهة مختصة.

بشكل مفاجئ، أعلنت وزارة الزراعة واستصلاح الأراضي، بدء العمل بقانون منع دخول الدواجن الحية رقم 70 لسنة 2009 في محافظتي القاهرة والجيزة. أيه حكاية القانون ده؟ القانون ده كان صدر سنة 2009، وقت انتشار إنفلونزا الطيور في مصر، وقتها الرئيس الأسبق محمد حسني مبارك، أصدر القانون رقم 70 لسنة 2009 بتاريخ 3 مايو 2009، بشأن تنظيم تداول وبيع الطيور والدواجن الحية وعرضها للبيع. ووزير الزراعة وقتها، الدكتور أمين أباظة، وزير الزراعة واستصلاح الأراضي حينها، القرار رقم 941 لسنة 2009، بشأن اللائحة التنفيذية للقانون رقم 70 لسنة 2009. ليه افتكروا القانون بعد 9 سنوات من صدوره؟ وزير الزراعة منى محرز، قالت لموقع مصراوي إن القرار جرى تجميده عقب ثورة يناير 2011؛ نظرًا للظروف التي كانت تمر بها الدولة، ونحن على أبواب فصل الشتاء الذي تنتشر فيه الفيروسات المختلفة، وبالتالي كان تفعيل هذا القانون الآن ضرورة للحفاظ على الثروة الداجنة. ليه عايزين يطبقوا القانون؟ وزير الزراعة منى محرز، قالت إن الهدف من القانون، الحفاظ على الثروة الحيوانية من انتشار الفيروسات الخطرة وعلى رأسها أنفلونزا الطيور، التي يمكن أن تحصد ملايين الدواجن خلال ساعات. كمان الوزارة ذكرت أنها تهدف الحد من بيع الدواجن الحية وتشجيع استهلاك الدواجن المجمدة والمبردة، بدلا منها. ايه اللي في القانون واللائحة دول؟ اللائحة منعت أي انتقال للدواجن الحية من المزارع إلى أي مكان. المادة الأولى منها بتقول لا يسمح بنقل الطيور والدواجن الحية بكافة أنواعها فيما عدا الكتاكيت عمر يوم واحد من المزارع إلى أي مكان آخر، إلا إذا كانت مصحوبة بتصريح من الهيئة العامة للخدمات البيطرية بعد الفحص في المعمل القومي للرقابة البيطرية على الإنتاج الداجني وثبوت خلوها من مرض إنفلونزا الطيور. كمان حددت في المادة الثانية وقتها سنة 2009، أماكن بعينها محظور فيها تداول وبيع الطيور والدواجن الحية في مدن القاهرة الجيزة 6 أكتوبر الشيخ زايد حلوان حي المعادي شبرا الخيمة الإسكندرية. كمان القانون كان حدد فترة انتقالية لا تزيد على السنة للتحول التدريجي من تداول وبيع الطيور والدواجن الحية، إلى المجهزة والمذبوحة في المجازر المرخصة من وزارة الزراعة. إيه العقوبات على الأماكن اللي هتخالف القرار وتبيع دواجن حية؟ المادة 3 من القانون حددت العقوبات يعاقب على كل مخالفة من أحكام المادة الأولى من هذا القانون أو القرارات الصادرة تنفيذًا له بالحبس مدة لا تقل عن 6 أشهر وبغرامة لا تقل عن 1000 جنيه ولا تزيد على 10000 آلاف جنيه، أو بإحدى هاتين العقوبتين، وتضاعف العقوبة في حديها الأدنى والأقصى في حالة العودة إلى ارتكاب ذات المخالفة. وفي جميع الأحوال يقضى في حكم الإدانة بمصادرة الطيور والدواجن محل المخالفة لحساب وزارة الزراعة، وبغلق الأماكن التي تم ارتكاب المخالفة فيها لمدة 3 أشهر، ويكون الغلق نهائيًا في حالة العودة.