مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
فرز الأخبار
صورتين متداولين بشكل كبير بيظهر فيهم الرئيس الأمريكي السابق باراك أوباما ومعاه بعض المسؤولين في إدارته، مع تعليق على الصورة الأولى اللي بيبدوا فيها أوباما ورفاقه سعداء جدًا: لحظة تنحي مبارك، وتعليق مع الصورة التانية اللي ظاهرين فيها حزانى ومهمومين: لحظة عزل مرسي.
صورة متداولة بشكل كبير مع تعليق: آسفين يا جلالة الملك فعلا مصر أيامك كانت أم الدنيا. صورة ترجع لعام 1944 وزير الخزانة المصري جالسًا بينما رئيس الوزراء الأمريكي واقفًا على يساره يجهش بالبكاء ووراءه نصف مجلس الوزراء الأمريكي… سر بكاء رئيس وزراء أمريكا هو موافقة الملك فاروق على منح الحكومة الأمريكية 400 مليون جنيه استرليني.
أحمد موسى قال في برنامجه على مسؤوليتي على قناة صدى البلد: وزي ماقولت لكم، إنت بلد من أكتر 10 دول أمنًا في العالم، سي إن إن مش إحنا اللي قالت كده في يونيو 2018. 27 يونيو تحديدًا 2018، قالت كده، إحنا الدولة رقم 10 الأكثر أمنًا في العالم من بين 142 دولة، فتخيل حضرتك لما يبقى عندك ده.
كل سنة في نفس التوقيت، بيتداول بوست ويعاد نشر أخبار من مواقع مصرية زي المصري اليوم واليوم السابع والوطن، فيه تصريحات للبابا فرانسيس، بابا الفاتيكان ينتقد فيها الاحتفال بعيد الميلاد ويصفه بالجاهلية وأنه صورة زائفة تصور حكاية خرافية مائعة، لا وجود لها في الإنجيل
صورة منتشرة بشكل كبير جدًا لعمرو يوسف وكندة علوش، مع تعليق: تقريبا ده حفل الزفاف الرابع لعمرو وكنده اتجوزي الراجل اللي يعملك فرح كل سنة
أداة لبحث متقدم على فيس بوك
من خلال أداة ، وهي حروف مختصرة لـالبحث المتقدم لفيس بوك، ممكن لمستخدميها السيرش بشكل أكثر دقة عن أي شىء على فيس بوك، خاصة ما يتعلق بالحسابات الشخصية أو الصفحات العامة.
بعد ما تثبت اكستنشن الأداة على جوجل كروم تقدر تستخدمها من خلال انك بتفتح الحساب اللي بتسيرش فيه وبعدين تضغط على أيقونة الأداة اللي بتوفر لك إمكانية البحث في صور واهتمام الأشخاص والأماكن اللى زاروها وقوائم الأصدقاء. وكمان تسيرش عن عبارات أو كلمات معينة تعتقد أن الحساب كتبه، وبتحدد له نطاق الفترة الزمنية للسيرش، وده أوبشن كويس لأنه بيضيق دايرة البحث في وقت محدد بعينه.
زي كل مرة بنتكلم عن الأدوات المستخدمة في السيرش على فيس بوك، بنأكد إنه الهدف مش اختراق خصوصية حد، سوى إنه الأدوات بتستخدم لأغراض مهنية بحتة أو للتأكد من شىء. وكمان تعتبر الأدوات دي فرصة لينا نعرف الأشخاص اللي مش شرط يكونوا في قوائم أصدقائنا حتى، ايه اللي يقدروا يشوفوه في حساباتنا فنقوم وقتها بتعديل إعدادات الخصوصية لتحقيق حد أدنى من الأمان والخصوصية بعيدًا عن المتلصصين.
آخر الأخبار
