أداة AFS.. لبحث متقدم على فيس بوك - من خلال أداة AFS، وهي حروف مختصرة لـ"البحث المتقدم لفيس بوك"، ممكن لمستخدميها السيرش بشكل أكثر دقة عن أي شىء على فيس بوك، خاصة ما يتعلق بالحسابات الشخصية أو الصفحات العامة. - بعد ما تثبت اكستنشن الأداة على جوجل كروم تقدر تستخدمها من خلال انك بتفتح الحساب اللي بتسيرش فيه وبعدين تضغط على أيقونة الأداة اللي بتوفر لك إمكانية البحث في صور واهتمام الأشخاص والأماكن اللى زاروها وقوائم الأصدقاء. وكمان تسيرش عن عبارات أو كلمات معينة تعتقد أن الحساب كتبه، وبتحدد له نطاق الفترة الزمنية للسيرش، وده أوبشن كويس لأنه بيضيق دايرة البحث في وقت محدد بعينه. * زي كل مرة بنتكلم عن الأدوات المستخدمة في السيرش على فيس بوك، بنأكد إنه الهدف مش اختراق خصوصية حد، سوى إنه الأدوات بتستخدم لأغراض مهنية بحتة أو للتأكد من شىء. وكمان تعتبر الأدوات دي فرصة لينا نعرف الأشخاص اللي مش شرط يكونوا في قوائم أصدقائنا حتى، ايه اللي يقدروا يشوفوه في حساباتنا فنقوم وقتها بتعديل إعدادات الخصوصية لتحقيق حد أدنى من الأمان والخصوصية بعيدًا عن المتلصصين.