مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
فرز الأخبار
موقع اسمه حرية بوست نشر خبر بعنوان ساويرس معلقا على استقالة الحريري : مصيبة كبيرة ومصر باتت مهددة بثورة كاسحة !، وفي متن الخبر مذكور إن الموقع طالع وجهة نظر رجل الأعمال نجيب ساويرس في استقالة الحريري عبر مصادر مقربة منه وإن ساويرس قال مصر باتت مهددة بما يحدث في لبنان وتلك التطورات خطيرة علينا أيضا فنجاح التظاهرات يعني انتقالها من مكان إلى مكان وبعدين لو قامت القومة في مصر مش هاتبقى زي لبنان كدة ده هاتبقى ثورة كاسحة.
تغريدة منتشرة بشكل كبير جدًا من حساب باسم عضو مجلس النواب أحمد الطنطاوي، بتقول: انا شايف الحل اننا نصبر على السلطة شويه نعطيهم فرصه يبعو اللى لسه ملكنا لسه فى شوية شباب خارج السجون لسه شمال سيناء موجود فيه سكان لسه الغلبان بيقدر يتنفس نصبر عليهم لحد مايقضو عى ماسبق القاتلعسكريمشكمسري.
تصميم منتشر بشكل كبير عليه لوجو موقع الشروق، وفيه كلام منسوب للإعلامي تامر أمين بيقول: تامر امين: الولدين كانوا بياعين ايه الي يركبهم قطار ورئيس القطر مش غلطان لأنه كان بيؤدي عمله.
ده تصريح مفبرك. تامر أمين مقالش أي كلام بالمحتوى ده في تعليقه على واقعة الشاب اللي اتوفى بعد إجباره على النزول من القطار أثناء سيره، وكمان موقع الشروق منشرش الخبر ده.✅✅
جريدة الشروق
تامر أمين عرض الواقعة في نهاية حلقة برنامجه آخر النهار، وقال نحن في دولة قانون الغلطان هيتحاسب، وانتقد الركاب اللي كانوا حاضرين الواقعة لإنهم متصرفوش وموقفوش الجريمة. ✅✅
كمان لو أخدنا بالنا هنلاقي إن ده مش ستايل كتابة الأخبار بتاع موقع الشروق ولا فونت الخط هو الفونت المستخدم في تصميماتها.
فريق متصدقش بيقدم خالص العزاء لأسرة الشاب محمد عيد اللي اتوفى في واقعة القطار، ويتمني شفاء صديقة المصاب سريعا.
فيديو منتشر بشكل كبير جدًا روبوت يقوم بتدريبات عسكرية ويستخدم أسلحة بطريقة محترفة جدًا، وفي النهاية لما اللي بيدربوه يطلبوا منه يضرب بالرصاص روبوت تاني بيرفض وبياخده ويهرب، ومتعلق على الفيديو: لله الأمر . شايفين الناس بتعمل إيه و إحنا بنعمل كليبات، وناس كتير تداول الفيديو على أنه حقيقي.
توفيق عكاشة قال امبارح، في برنامجه مصر اليوم المذاع على قناة الحياة، إن مصر دي ثاني دولة في العالم كان عندها برلمان.
فيديو منتشر بشكل كتير في أكتر من صفحة بتظهر فيه بنت بتتعرى على أساس إنها مشاركة في إحدى مظاهرات لبنان.
آخر الأخبار
