مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
فرز الأخبار
أحمد موسى قال، في برنامجه على مسؤليتي المذاع على قناة صدى البلد، خلال تغطيته لفعاليات منتدى شباب العالم المنعقد في شرم الشيخ: بالمناسبة، دول كبيرة قلدت مصر. آه قلدت مصر. عملوا منتدى شباب عالم زي مصر كده، بس مش بالأعداد بتاعتنا. مش بالأعداد بتاعتنا ومش بالنجاح بتاعنا. إحنا بدأنا كانت فكرة والنهارده الفكرة دي مسجلة باسمنا إن إحنا أول ناس عملناها. دول كبيرة، أقول أسبانيا، السنة اللي فاتت مهي عملت منتدى لشباب العالم. مع تقديرنا لأصدقائنا الأسبان، بس لا شرم الشيخ حاجة تانية.
الدكتورة عالية المهدي، عميدة كلية الاقتصاد والعلوم السياسية السابقة، نشرت لينك لخبر بعنوان وكالة المخابرات المركزية تصدر اعتذارا بعد أدلة جديدة تبرئ أسامة بن لادن من تورطه في هجمات 11 سبتمبر، ومعلقة عليه بتقول: جينا هاسبيل مديرة وكالة الاستخبارات المركزية ً تعتذر لأسرة اسامة بن لادن عن قتله بتهمة دوره في انفجارات ١١ سبتمبر في حين ثبت انه لم يكن مسئولا عنها . و ان الحكومة الامريكية تصرفت بغشم و لم تكن متأكده. و بناء عليه قررت الوكالة صرف ١٨ مليون دولار كتعويض لاسرته عن مقتله.
حمزة زوبع كتب بوست على صفحته قال فيه: مليارات الجنيهات من غير أثر ولا فائدة لسه الكهرباء بتتقطع ولسة الناس بتموت من أعمدة الكهرباء لما بينزل شوية مطر فى أى محافظة ، نفسنا نعرف الفلوس دى بيتعمل بيها ايه بالظبط ! تصريح لوزير المالية يفيد بأن الدولة أنفقت 650 مليار جنيه لإصلاح منظومة الكهرباء.
الإعلامي أحمد موسى، قال في برنامجه على مسئوليتي المذاع على قناة صدى البلد: حكومة فايز السراج ليست حكومة شرعية والرئيس عبدالفتاح السيسي أكد أن حكومة الوفاق تخضع لوصاية الميليشيات الإرهابية.
الرئيس عبد الفتاح السيسي اتكلم خلال جلسة بمنتدى شباب العالم، المنعقد حاليًا في شرم الشيخ، عن اللاجئين الموجودين في مصر، وقال: يعني إنتم قاعدين تتكلموا على إن في لاجئين موجودين في مصر من مش عاوز أقول اسم دول عشان الناس اللي موجودة إحنا مبنقولش عليهم لاجئين، إحنا بنقول عليهم ضيوف في مصر طب هما 5 ولا 6، أيًا ما كان عددهم، إحنا كنا بنقول دايمًا قعدنا نتكلم على إن هما 5 مليون والسفيرة نائلة بتقولنا النهارده إن من واقع الأرقام المتاحة 6 مليون.
تويته منتشرة بشكل كبير بتقول لما ديلى نيوز البريطانية تقول أن السيسى نقل مصر من دولة فقيرة تستورد لعب الأطفال من الصين إلى دولة كبرى تصنع الطائرات والدبابات والبوارج الحربية والصواريخ وتسيطر على شرق البحر المتوسط بكنوزه وخيراته يبقى اللى مش عاجبه يتفلق و يخبط راسه في اتخن عمود خرسانة وتحيا مصر ورئيس مصر.
آخر الأخبار
