مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
حقيقة حجب ميزانية الجيش والشرطة
Feb. 20, 2020
تتضمن (زائف- مفبرك- بوست غير صحيح- خبر غير صحيح- تصريح غير دقيق- تصريح كاذب- صورة مزيفة- مضلل- فيديو مضلل- بوست مضلل- خبر مضلل- عنوان مضلل)
- حمزة زوبع قال في برنامجه "مع زوبع" المذاع على قناة "مكملين": "لما تبص ع الموازنة العامة لمصر، تلاقي فيها موازنة اسم التعليم والصحة وإيه؟ مفيش عن الشرطة، ولا الجيش. لما تلاقي البند بتاع الخدمات العامة دهه والأمن والمش عارف إيه تلاقيه 700 مليار، تلاقي التعليم 100 حاجة وتلاتين، والصحة حاجة وستين".
دحض الإدعاء
– الكلام ده غير صحيح. في بنود في الموازنة العامة خاصة بالجيش والشرطة. موازنة القوات المسلحة بتندرج تحت بند “قطاع الدفاع والأمن القومي”، وموازنة الشرطة بتندرج تحت بند “قطاع النظام العام وشؤون السلامة العامة”، والاتنين مجموعهم 136 مليار جنيه.✅✅
– موازنة قطاع الدفاع والأمن القومي، اللي بيشمل وزارتي الدفاع والإنتاج الحربي، بلغت 66.3 مليار جنيه خلال العام المالي الجاري.✅✅
– موازنة قطاع النظام العام وشؤون السلامة العامة، اللي بيشمل وزارتي الداخلية والعدل والسجون والمحاكم، بلغت 69.68 مليار جنيه خلال العام المالي الجاري. ونصيب جهاز الشرطة وقطاع السجون من الموازنة دي حوالي 48 مليار جنيه فقط.✅✅
– موازنة قطاع الصحة 73 مليار جنيه خلال العام المالي الجاري، مش حاجة وستين مليار زي زوبع بيقول.✅✅
– موازنة قطاع التعليم 132 مليار جنيه خلال العام المالي الجاري، وتفاصيل توزيع الأرقام كلها موجود في ملفات الموازنة علي موقع وزارة المالية
آخر الأخبار
