دحض الإدعاء

– موقع Social Blade من المواقع الهامة اللي تدينا احصائيات عن قنوات اليوتيوب، وكمان صفحات مواقع التواصل الإجتماعي على “تويتر وفيس بوك وانستجرام”.

– من خلال الموقع اللي موجود كتطبيق موبايل على تليفونات “آبل” و”أندرويد”، وكمان إكستنشن على متصفح جوجل كروم وفايرفوركس، نقدر نعرف كل الاحصائيات وتحليل عن أي قناة يوتيوب أو أي حساب على “فيس بوك” و”تويتر” و”انستجرام”.

– من بين الإحصائيات اللي بيقدمها الموقع عن قنوات اليوتيوب، أعلى 250 قناة مشاهدة في كل بلد، وكمان بيعرض أعلى القنوات مشاهدة على مستوى العالم وتصنيف لأعلى القنوات في كل مجال زي (المزيكا والأفلام، الأخبار، الرياضة، المنوعات، التعليم).

– على سبيل المثال الفنان محمد رمضان، Mohamed Ramadan نشر تويته سكرين شوت من الموقع وقال فيها “الحمد لله رب العالمين .. قناتي الرسمية على YouTube ضمن أعلى 100 قناة على مستوى العالم منذ بداية 2019 ترتيبها الآن 47 #ثقة_في_الله_نجاح”

– لكن الحقيقة بنلاقي إن الفنان محمد رمضان مش 47 ضمن الأعلى 100 على مستوي العالم زي ما بيقول في المطلق كده، إنما ترتيبه ده ضمن قنوات المزيكا فقط. وإنما في الترتيب العام بنلاقي ترتيبه رقم 197.

– كمان الموقع بيقدم عداد تفاعلي لزيادة عدد المشتركين في قنوات اليوتيوب، وكمان معلومات أساسية زي تاريخ إنشاء القناة وعدد الفيديوهات المرفوعة، وعدد المشاهدات، وتقدير متوقع لأرباح القناة المالية وفقا للمشاهدات عليها.