مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
حقيقة دفع 2100 جنيه لدخول نظام التأمين الصحي الشامل
Nov. 28, 2019
تتضمن (زائف- مفبرك- بوست غير صحيح- خبر غير صحيح- تصريح غير دقيق- تصريح كاذب- صورة مزيفة- مضلل- فيديو مضلل- بوست مضلل- خبر مضلل- عنوان مضلل)
- محمد ناصر قال في برنامجه "مصر النهاردة" المذاع على قناة "مكملين"، إن "تكلفة الفرد في منظومة التأمين الصحي الشامل تصل إلى 2100، فإنت لو عندك أسرة بقى هتدفع لك ولأسرتك. عيش بقى حياتك واحسبها. لو إنت مخلف 4 هتدفع 2100 هيطلع رقم 7800 ولا 8700، يعني مش مهم هيطلع رقم بقى عجيب جدًا ده تكلفته".
دحض الإدعاء
– الكلام ده غير صحيح. تمويل منظومة التأمين الصحي الشامل الجديدة سيكون مشترك بين الدولة وأصحاب الأعمال والمواطنين وشركات الأدوية والعيادات والصيدليات بنسب مختلفة. ✅✅
– قانون نظام التأمين الصحي الشامل بينص على إن مصادر تمويل المنظومة هتكون من اشتراكات المواطنين كلٌ حسب قوانين التأمين اللي بتطبق عليهم، ومن أصحاب الأعمال اللي بيعمل فيها المشتركين في المنظومة، ودول حصتهم هتمثل من 35 إلى 40% من تكلفة هذا النظام، بحسب وزير المالية الدكتور محمد معيط.
وزارة المالية – مصر
– ومن مصادر التمويل أيضًا، تحصيل رسوم على السجائر والتبغ وتجديد رخص القيادة والسيارة، ومبالغ مالية من العيادات الطبية والصيدليات وشركات الأدوية عند الانضمام إلى النظام، ومساهمة تكافلية بقيمة 2.5 في الألف من قيمة إيرادات المنشآت الفردية والشركات، ومصادر أخرى. والمصادر دي تمثل حوالي 30% من تكلفة النظام.
– كمان الخزانة العامة للدولة هتدفع حصة تمثل من 35 إلى 40% من تكلفة النظام، وده لتمويل غير القادرين على دفع الاشتراكات من المواطنين.
## رقم ٢١٠٠ جنية اللي قاله محمد ناصر جه منين؟
وزير مالية قال إن النظام لو اتطبق بشكل فوري على 100 مليون مواطن هتكون تكلفته 210 مليار جنيه، يعني تكلفة الفرد هتكون 2100 جنيه، أما لو مشي الأمر كما هو مخطط والنظام اتطبق من 13 إلى 15 سنة، مع الجودة والتضخم، هتكون متوسط تكلفة الفرد 6000 جنيه ، فلو عندنا يومها 100 مليون مواطن هتبقى تكلفة النظام 600 مليار جنيه.
آخر الأخبار
