دحض الإدعاء

اللي طلع خبر استيراد أحمد الوكيل لل 147 ألف طن جريدة الوطن و كان مصدرها “مصادر حكومية مسؤولة” و بعدها بيومين هما اللي نفوا الخبر من خلال المتحدث باسم ميناء الإسكندرية اللي قال استحالة تكون الكمية دي موجودة.
أحمد الوكيل كمان نفى الخبر و قال ان شركته ماستوردتش فراخ من 2010 و قال اللي عنده مستندات يقدمها للنائب العام و من ساعتها مافيش حد قدم حاجة.
و رئيس شعبة المستوردين بغرفة القاهرة التجارية نفى الخبر.
و رئيس شعبة الدواجن بغرفة القاهرة التجارية قال ان ده كلام مايتصدقش لأننا بنستورد في السنة كلها حوالي 80 ألف طن.
كمان رئيس مصلحة الجمارك نفى الخبر و قال انها اشاعات.