فرز الأخبار

بوست منتشر بشكل كبير جدًا لخبر عليه لوجو موقع الوطن، بيقول: عالم أزهري: الملحدين سيحولهم الله إلى حور عين وسيجعل الجنة كلها تنكحهم.

بعد تصريحاتها ضد ووزيرة الهجرة نبيلة مكرم عبيد، وتصريحاتها المسيئة ضد المصريين في العاملين بالكويت، انتشرت صورة بشكل كبير على إنها النائبة بمجلس الأمة الكويتي صفاء الهاشم مع رجل الأعمال السعودي الوليد بن طلال على البحر.

كلام كتير منتشر بين إلغاء الجمارك على السيارات الأوروبية بداية 2019، وتأجيل قرار الإلغاء، وتأثير ده على أسعار السيارات، والناس تشتري عادي ولا تستنى لأول السنة الجديدة. حاولنا في البوست ده نجمع أكبر كم من المعلومات الموثوقة المتاحة عن الموضوع👇👇 ‍ ليه الجمارك هتتلغي من على السيارات الأوروبية؟ مصر وقعت مع الاتحاد الأوروبي اتفاقية شراكة لإقامة منطقة تجارة حرة مشتركة سنة 2001، والاتفاقية دي دخلت حيز التنفيذ سنة 2004. بموجب الاتفاقية دي الاتحاد الأوروبي بيلغي الجمارك على بعض السلع المصرية، في مقابل إن مصر المفروض تلغي الجمارك على بعض السلع الصناعية الأوروبية خلال 16 سنة، ومن ضمن السلع دي السيارات. من سنة 2010 بدأ تخفيض تدريجي لجمارك السيارات الأوربي كل سنة 10، وبحسب الاتفاقية فالمفروض في سنة 2019 الجمارك على السيارات الأوروبية تبقى صفر. مصر تحاول تأجيل تطبيق الاتفاقية وزارة التجارة والصناعة تقدمت مؤخرًا بطلب إلى الاتحاد الأوروبي لمنح مصر مهلة لمدة عام أو عامين قبل تطبيق قرار إلغاء التعريفة الجمركية على واردات السيارات الأوروبية إلى مصر بالكامل، بدل إلغائها بالكامل في أول 2019. الاتحاد الأوروبي رفض طلب مصر، وسفير الاتحاد لدى مصر إيفان سوركوش قال، يوم الخميس اللي فات، إن مصر ستخفض التعريفة الجمركية على واردات السيارات الأوروبية إلى صفر بالمائة اعتبارًا من مطلع يناير 2019. وزارة المالية قالت إنها لم تتلق حتى الآن إخطارًا رسميًا من وزارة التجارة والصناعة حول إلغاء الجمارك بالكامل على واردات السيارات الأوروبية، وإنها منتظرة الإخطار لتنفيذ القرار. كده مفيش قدام مصر أي مجال لعدم تنفيذ الاتفاقية غير إلغائها، ومفيش أي مسؤول اتكلم عن إلغاء الاتفاقية، لإن لو تم إلغائها الاتحاد الأوروبي هيفرض جمارك على السلع المصرية، وده هيقلل من قدرتها على المنافسة في أوروبا وبالتالي هيقلل من الصادرات اللي بتدخل عملة صعبة لمصر. ليه الحكومة حاولت تأجل تطبيق قرار إلغاء الجمارك؟🤔 الحكومة حاولت تأجل تطبيق القرار لحين الانتهاء من إعداد استراتيجية صناعة السيارات اللي بتهدف إلى تقديم حوافز للشركات التي تقوم بتجميع السيارات محليًا عشان تقدر تنافس السيارات الأوروبية اللي يتم تجميعها في تركيا والمغرب. الحكومة تأمل إن الاستراتيجية دي تساهم في تطوير وتعميق صناعة السيارات المحلية وزيادة نسبة المكون المحلي من خلال الحوافز التي ستقدمها للمستثمرين. هل أسعار السيارات هتقل؟🤷‍♂️ بعض المسؤولين والخبراء، زي رئيس مصلحة الجمارك السيد نجم، ومستشار وزير المالية لشؤون الجمارك مجدي عبد العزيز، بيقولوا إن تخيفض الجمارك لن يحدث أثرًا كبيرًا على أسعار السيارات فى السوق المصرية، وإنه الأثر هيبقى محدود للغاية. لكن بحسب مسؤولين تانيين زي نائب رئيس شعبة السيارات بالاتحاد العام للغرف التجارية أشرف شرباص، وعضو مجلس إدارة شركة مسوقي السياراتأميك رامي جاد، فالمفروض أسعار السيارات الأوروبية هتقل بنسب ملحوظة. نسب الانخفاض دي آد إيه؟ سعر السيارة في مصر سعر استيرادها من بلد المنشأ الجمارك رسم جدول رسم تنمية 14 قيمة مضافة. وبالتالي البند اللي هيتشال من البنود دي هو بند الجمارك فقط، وهو بند متغير على حسب سعة محرك السيارة. السيارات الأوروبية الأقل من 1300 سي سي جماركها صفر، وبالتالي أسعارها مش هتتغير. السيارات الأوروبية 1600 سي سي جماركها 12 من سعرها في بلد المنشأ، وبالتالي المفروض سعرها في مصر هيقل 12 عن سعرها في بلد المنشأ، يعني لو سعرها في أوروبا 10000 آلاف دولار، المفروض سعرها يقل 1200 دولار. السيارات الأوروبية الأعلى من 1600 سي سي إلى 2000 سي سي سعرها المفروض هيقل بنسبة بنسبة 30 من سعرها في بلد المنشأ. السيارات الأوروبية الأعلى من 2000 سي سي، المفروض سعرها هيقل بنسبة 40 من سعرها في بلد المنشأ. أصحاب معارض السيارات اللي عندهم عربيات مركونة هيعملوا إيه؟ في ركود حاليًا في سوق السيارات بنسبة بلغت 35، لإن كل الناس منتظرة تخفيض الجمارك عشان الأسعار تقل شوية. في معارض سيارات بتقول إن الأسعار مش هتتغير كتير عشان تقنع الناس تشتري من المخزون اللي عندها بالسعر الحالي، وفي معارض تانية أخدت مبادرة لتحريك السوق وعرضت إنها ترجع فرق سعر السيارات اللي هينخفض في أول 2019 للناس اللي هتشتري دلوقتي.

بوست متداول بشكل كبير جدًا بيقول: صورة الطفل ابانوب المختطف من امام كنيسة الانبا بولا بشبرا الكل ينشر الصوره عشان الي يعرف شكل الخاطف يبلغ ويتقبض عليه.

فيديو متداول بشكل كبير جدًا على إنه رد راقي من رئيس مجلس الامة الكويتي على ما بدر من صفاء الهاشم في حق مصر ووزيرة البيئة المصرية الفاضله د. نبيلة مكرم عبيد، ورئيس مجلس الأمة الكويتي بيشيد في الفيديو بمصر ووصفها بإنها قلب ورئة الأمة العربية.

بوست متداول بشكل كبير بيقول: اغتصاب فتاة في حفلة المدعو حمو بيكا وباقي المدعوين بمغنين المهرجانات اليوم. والشرطة تلغي الحفل وتفرق التجمع.