فرز الأخبار

أداة عبارة عن محرك بحث مُتقدم للبحث عن تفاصيل أكثر في بيانات الحسابات على فيس بوك وعلاقاتها ببقية الأشخاص وما يجمعهم من روابط. بمجرد ما تثبت الاكستنشن على متصفحك الخاص، سواء جوجل كروم أو موزايلا، تقدر وأنت فاتح صفحة حساب معين تضغط على أيقونة الأداة المُصغرة في المتصفح، وقتها بتظهر لك تقسيمات مختلفة، يعني مثلا لو حابب تعرف قائمة أصدقاء الشخص اللي عاوز تفاصيل أكتر عنه، وايه الأماكن اللي فيها، والصور والبوستات اللي تفاعل معاها، والصور اللي اتعمل لها تاج فيها، والجروبات المشترك فيها وزملاء العمل وغيرها من التفاصيل. زي ما قلنا قبل كده الأدوات اللي من النوع ده مش بتقرا غير البيانات اللي صاحب الحساب عاملها ، يعني من خلال إعدادات الخصوصية هو سمح لأي حد يشوفها. يمكن دي لفتة دي مهمة لينا عشان نعدل ونراجع إعدادات الخصوصية في حساباتنا عشان نحافظ على عدم وصول أشخاص أو هيئات أو جهات معينة لها بسهولة.

صورة متداولة على أنها من احتجاجات السترات الصفراء في فرنسا، لشخص يُقبِل فتاة على الأرض، وسط المظاهرات والاشتباكات.

فيديو متداول بكثرة باعتباره من فرنسا عشان احتجاجات السترات الصفراء مع تعليق بيقول: فرنسا الحرية والتنوير والشيك والأتيكيت وحقوق المرأة والإنسان والحيوان والباذنجان.

جزء كبير من المشاكل اللي بتواجهنا في محاربة الأخبار الكاذبة، هو اقتطاع المعلومات من سياقها، ووضع معلومات حقيقية في مقارنات غير منطقية. زي ما حصل أول امبارح، الإعلامي عمرو أديب قال، في حلقة برنامجه الحكاية الحكاية وما فيها مع عمرو اديب على قناة إم بي سي مصر  مصر، إن سعر لتر البنزين في فرنسا 1.5 يورو 30 جنيه، عشان لما تيجي تقولي هما بياخدوا كام بس هما الأسعار عندهم كام كمان، وده سعره العالمي عندهم يعني ده السعر بتاع لتر البنزين زي ما ربنا خلقه في السوق الحد الأدنى للأجور كام؟ زينا، بس زينا الموازي له باليورو، اللي هما كام؟ 1200 أو 1400 يورو. 15 من الشعب الفرنسي يعيش تحت 1500 يورو يعيش تحت خط الفقر، وعندهم لتر البنزين بيورو ونص بما يوازي 30 جنيه مصري.‍ الأرقام اللي عمرو أديب ذكرها مش دقيقة أوي لكن حالها ممكن يمشي. يعني سعر لتر البنزين في فرنسا بدقة هو 1.46 يورو، والحد الأدنى للأجور 1498 يورو، ونسبة من يعيشون تحت خط الفقر 14، مع ذلك ممكن نمشي كلام عمرو ونقول قريب من الدقيق. المغالطة اللي عمرو ارتكبها هو إنه يحسب سعر لتر البنزين بالمصري، وفي نفس ذات الوقت ميحسبش الحد الأدنى للدخل للفرنسيين بالمصري. يقول 1.5 يورو 30 جنيه مصري وكأن مستوي دخل المواطن المصري زي المواطن الفرنسي. وكأنه اليورو بيساوي جنيه مصري. يعني نلاقي عمرو أديب بيقول سعر لتر البنزين في فرنسا بـ1.5 يورو 30 جنيه ، لكنه يتجاهل مثلا إن الحد الأدنى للأجور 1498 يورو 30.2 ألف جنيه، ده بغض النظر عن منطقية المقارنة بين مصر وفرنسا على كل المستويات. كمان بما إن عمرو أديب ذكر إن نسبة الفقراء في فرنسا 15 الحقيقة هي 14 في 2017، فالمفروض يذكر كمان إن نسبة الفقراء في مصر بحسب احصاء 2015 كانت 27.8، اللي حوالي أكتر من 27 مليون مصري، والكلام ده كان قبل تعويم الجنيه، ولم يظهر احصاء جديد منذ التعويم إلى الآن. وضع معلومات صحيحة في سياق غير مناسب هو نوع من أنواع الكذب والتزييف والتضليل.

خبر متداول بشكل كبير جدًا 34 ألف شير وتعليق وريأكت بيقول: عاجل ألف مبروك ألغت السلطات السعودية اليوم ضريبة العمرة وقدرها 2000 ريال يعني العمرة رجعت كده بـ 5 آلاف جنيه فقط مبروك.

تويتة منسوبة لقناة متداولة بشكل كبير بتقول: يتوجه فريق عمل أونسبورت لجماهير الزمالك بوافر الشكر على مقاطعة القناه ، لأن من لحظة المقاطعه اصبحت عمارات القاهره الجديده ومدينة نصر آمنه تماماً.