مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
هذه صور لعبة "Facehugger" وليس عنكبوت حقيقي
Sep. 22, 2022
تتضمن (زائف- مفبرك- بوست غير صحيح- خبر غير صحيح- تصريح غير دقيق- تصريح كاذب- صورة مزيفة- مضلل- فيديو مضلل- بوست مضلل- خبر مضلل- عنوان مضلل)
- صور منتشرة بشكل كبير جدًا لكائن شكله غريب، له 8 أرجل وذيل طويل، مع تعليق: "اذا صادفت واحد من تلك الفصيلة من العناكب في المنزل ..لاتقتله! ان عضتهم ليست سامة ولا يسببوا الضرر بالعكس هم يتغذون على الفئران والقوارض". ❌❌
دحض الإدعاء
- الكلام ده غير صحيح. اللي في الصورة دي لعبة اسمها "Facehugger"، مش عنكبوت حقيقي. ✅✅
- مفيش أي نوع من العناكب أو العقارب بالشكل ده، واللي يدقق في الصورة يلاحظ إنها مش طبيعية. ✅✅
- لعبة "Facehugger" دي مستوحاة من أفلام الفضائيين والخيال العلمي، وهي تخص كائن خيالي له 8 أرجل وذيل طويل بيساعده على القفز على وجه ضحيته لزراعة جنين في داخله. أول الأفلام اللي ظهر فيها المخلوق الخيالي ده فيلم Alien اللي صدر سنة 1979، ومن بعدها بقى يظهر في أفلام خيال علمي كتير جدًا. ✅✅
- يمكن بسهولة الحصول على اللعبة دي من المتاجر الإلكترونية زي أمازون، وكمان في ناس بتعمل منه أقنعة وجه، وطرق تصنيعه منشورة على الإنترنت. ✅✅
آخر الأخبار
