مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
حقيقة تقرير صحيفة نازداك عن شراء مصر لحاملة طائرات ال PA2
Aug. 23, 2018
تتضمن (زائف- مفبرك- بوست غير صحيح- خبر غير صحيح- تصريح غير دقيق- تصريح كاذب- صورة مزيفة- مضلل- فيديو مضلل- بوست مضلل- خبر مضلل- عنوان مضلل)
- بوست منتشر بيقول إن صحيفة "نازداك" الأمريكية قالت إن "مصر تتباهى بتحديث سلاحها البحري بإضافة حاملات الطائرات للدفاع عن اكتشافاتها النفطية.. مصادر فرنسية: مصر تجري محادثات "جادة جدا" مع فرنسا حول شراء حامله المقاتلات "PA2".. مصر تسعى للتقدم على الجيش التركى لتصبح أول دولة بالشرق الأوسط تمتلك حاملة طائرات صفقة ال PA2"، وكلام تاني كتير منسوب للصحيفة دي وصحيفة وول ستريت جورنال.
دحض الإدعاء
– أولًا، مفيش صحيفة أمريكية اسمها “نازداك”. “نازداك أو ناسداك” ده اسم بورصة عالمية اتأسست في أمريكا عام 1971، وموقعها على الإنترنت مش مهتم غير بأخبار الشركات وبورصات العالم، وبالتالي منشرتش تقارير بالمحتوى الموجود في البوست ده.✅✅
– في فعلًا حاملة طائرات فرنسية اسمها “PA2″، وفي بعض المواقع المجهولة والصفحات على فيسبوك بتقول من كذا سنة إن مصر بتسعى لشرائها من فرنسا، لكن مفيش أي تصريحات مصرية رسمية بخصوص الموضوع ده، ومفيش أي موقع معروف نشر حاجة بخصوص سعي مصر لشراء الحاملة، وصحيفة “وول ستريت جورنال” مقالتش إن المفاوضات المصرية الفرنسية بخصوص الحاملة “محادثات جادة جدًا”.
– كمان البوست ده قديم من شهر أكتوبر 2017، وبيعاد تدويره من وقت للتاني على فيسبوك، وفي موقع مجهول اسمه البشاير نشره على إنه حقيقي.
– الصورة الموجودة مع البوست دي مش صورة حاملة الطائرات “PA2″، دي صورة جرافيك متاخده من موقع الصور “pinterest”.
آخر الأخبار
