دحض الإدعاء

– البعض في التعليقات كدبه، منهم اللي قال إنها أسهمها مطروحة للاستثمار في البورصة، ومنهم اللي قال الأعمال الخيرية دي بتكون فقط للخصم من نسبة الضرايب مش من الأرباح.

– الحقيقة إن الشركة دي فعلاً بالكامل وقف خيري. في يناير 2010 الشيخ سليمان الراجحي مؤسس الشركة خصصها ضمن 4 شركات كوقف للأعمال الخيرية شملت الوطنية للدواجن بالسعودية، والوطنية للدواجن مصر، وقال وقتها في تصريحات لجريدة الاقتصادية إن ده لن يؤثر على طرح أسهم الشركة للاكتتاب بالبورصة.

– نفس المعلومة أكدها في 2013 راشد الفوزان، مدير CNBC الاقتصادية على حسابه بموقع تويتر.

– عمرو خالد قال إن ده مش تبرير، لأنه أخطأ وخانه التعبير واتفهم انه يستغل الدين لترويج لمنتج وده غير مقبول.

– دي مش أول مرة عمرو خالد يعمل إعلان لشركات سعودية، سنة 2014 عمل إعلان لعطور عبدالصمد القرشي، وقبلها عمل إعلان لمجموعة قنوات art يحذر فيه من سرقة وصلات مجموعة القنوات المشفرة، واللي اعتذر عنه برضوا بعدها.