دحض الإدعاء

– الكلام ده غير صحيح. فندق الشويفات “تريومف” متاح فيه الحجز التجاري لأي حد سواء مدنيين من داخل مصر أو سياح من الخارج، يمكن لأي شخص حجز غرفة في الفندق عن طريق موقع “بوكينج” وغيره من مواقع الحجز. ✅✅

– في حوالي 500 تقييم للفندق على “بوكينج” من أشخاص من مصر ودول تانية، وده يؤكد إنه فندق متاح للجميع.

– جربنا نحجز في الفندق، وحجزنا يوم 19 سبتمبر لليلة واحدة، ولقينا متوسط سعر غرفة لفردين مع الفطار بين (١٠٠ و١٥٠ دولار في الليلة) والجناح الفاخر ممكن يوصل لحوالي ٣٦٠ دولار في الليلة الواحدة بعد إضافة 14% ضريبة القيمة المضافة، و1% ضريبة المدينة، و12% رسوم خدمة.

– كمان الموقع الإلكتروني للفندق مش ذاكر أي شيء عن كونه فندق عسكري غير مسموح للمدنيين بدخوله.

– محمد علي Mohamed Ali كان قال إن الفندق تكلف 2 مليار جنيه، وصاحب الفكرة هو اللواء شريف صلاح صديق الرئيس السيسي اللي بيته أمام الفندق.

– لم نجد ما يؤكد أو ينفي التفاصيل دي، لكن المؤكد هو إن اللواء شريف صلاح بالفعل هوا اللي اتكلم في حفل افتتاح الفندق في مارس 2019، وتم تقديمه بصفته مدير عام فنادق تريومف، ولم يذكر أي رقم رسمي عن التكلفة، لكنه قال إن الفندق “إضافة لقطاع السياحة المصرية”، يعني رسميًا ده تأكيد تاني لعدم صحة معلومة مصطفى بكري وإن ده فندق تجاري وسياحي.