مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
"معلقة السنبلة" لا تُباع بـ150 ألف جنيه
Oct. 09, 2022
تتضمن (زائف- مفبرك- بوست غير صحيح- خبر غير صحيح- تصريح غير دقيق- تصريح كاذب- صورة مزيفة- مضلل- فيديو مضلل- بوست مضلل- خبر مضلل- عنوان مضلل)
بوست منتشر بشكل كبير جدًا، ونشرته عدد من المواقع الإخبارية زي "صدى البلد"، بيقول: "دوّر في مطبخك.. المعلقة السنبلة للبيع ب 150 ألف جنيه". 
دحض الإدعاء
الكلام ده غير صحيح. مفيش حد بيشتري "المعلقة السنبلة" بالمبلغ ده، وشعبة الأدوات المنزلية بغرفة القاهرة التجارية وصفت الأمر بإنه عملية "نصب". 
أشرف هلال، رئيس شعبة الأدوات المنزلية والأجهزة الكهربائية، أكد في تصريحات تلفزيونية، إن ده كلام عاري عن الصحة وإن المعلقة دي بتباع في سوق الجمعة بـ2 جنيه، وإن اللي طلع الشائعة "واحد فاضي عايز يركب تريند.. دي عملية نصب من الدرجة الأولى".
كمان عدد من تجار وهواة المقتنيات القديمة، أكدوا في تصريحات صحفية إن الكلام ده غير صحيح، وإن "سعر المعلقة الواحدة بيوصل 30 جنيه بحد أقصى لو محتفظة بكامل جودتها".
وجود إعلانات لبيع المعلقة دي على مواقع التجارة الإلكترونية بأسعار تبلغ عشرات آلاف الجنيهات، لا يعني إن دي قيمتها الحقيقية، لإن أي حد ممكن يعرض أي حاجة على المواقع دي بأي مبلغ. المعيار الحقيقي هو مين هيشتري بالمبلغ ده؟
الخبر اللي نشره موقع "صدى البلد" بهذا العنوان على حسابه بفيسبوك "مضلل" لجذب الجمهور، لإن عنوان الخبر ومحتواه على الموقع مختلف وبينفي إن دي قيمة المعلقة الحقيقية.
آخر الأخبار
