فرز الأخبار

أداة بتسهل لنا الوصول للمزيد من البيانات عن الحسابات الشخصية، اللي هيا متاحة بالفعل لكن مش بنعرف نشوفها لما نفتح الحسابات دي. بمجرد ما تضع رابط حساب خاص بشخص ما في المساحة الخالية المخصصة لده في الأداة بيكون فيه تقسيمات خاصة فيها، زي مثلا ايه الصور أو الفيديوهات اللي اتعمل فيها تاج فيها، وكمان ايه الصور والفيديو اللي هو كتب تعليقات عليها أو عمل لها لايك، ومين زملاءه في العمل والدراسة وايه الأماكن اللي زارها، والصفحات والجروبات اللي مشترك فيها، وايه الايفنتات اللي حضرها قبل كده أو ناوي يحضرها في المستقبل. كل التفاصيل دي مكن تبدو عادية، لكن من خلالها بنقدر نفهم أكتر علاقة صاحب الحساب بالأشخاص اللي حواليه وايه هيا اهتماماته عشان نقدر نبني صورة عامة عنه بحيث نفهم سياق أو الدوافع وراء نشره لبوست بصيغة معينة، وهل ممكن نثق في اللي بيقوله ولا لاء.

كلام كتير منتشر بين إلغاء الجمارك على السيارات الأوروبية بداية 2019، وتأجيل قرار الإلغاء، وتأثير ده على أسعار السيارات، والناس تشتري عادي ولا تستنى لأول السنة الجديدة. حاولنا في البوست ده نجمع أكبر كم من المعلومات الموثوقة المتاحة عن الموضوع👇👇 ‍ ليه الجمارك هتتلغي من على السيارات الأوروبية؟ مصر وقعت مع الاتحاد الأوروبي اتفاقية شراكة لإقامة منطقة تجارة حرة مشتركة سنة 2001، والاتفاقية دي دخلت حيز التنفيذ سنة 2004. بموجب الاتفاقية دي الاتحاد الأوروبي بيلغي الجمارك على بعض السلع المصرية، في مقابل إن مصر المفروض تلغي الجمارك على بعض السلع الصناعية الأوروبية خلال 16 سنة، ومن ضمن السلع دي السيارات. من سنة 2010 بدأ تخفيض تدريجي لجمارك السيارات الأوربي كل سنة 10، وبحسب الاتفاقية فالمفروض في سنة 2019 الجمارك على السيارات الأوروبية تبقى صفر. مصر تحاول تأجيل تطبيق الاتفاقية وزارة التجارة والصناعة تقدمت مؤخرًا بطلب إلى الاتحاد الأوروبي لمنح مصر مهلة لمدة عام أو عامين قبل تطبيق قرار إلغاء التعريفة الجمركية على واردات السيارات الأوروبية إلى مصر بالكامل، بدل إلغائها بالكامل في أول 2019. الاتحاد الأوروبي رفض طلب مصر، وسفير الاتحاد لدى مصر إيفان سوركوش قال، يوم الخميس اللي فات، إن مصر ستخفض التعريفة الجمركية على واردات السيارات الأوروبية إلى صفر بالمائة اعتبارًا من مطلع يناير 2019. وزارة المالية قالت إنها لم تتلق حتى الآن إخطارًا رسميًا من وزارة التجارة والصناعة حول إلغاء الجمارك بالكامل على واردات السيارات الأوروبية، وإنها منتظرة الإخطار لتنفيذ القرار. كده مفيش قدام مصر أي مجال لعدم تنفيذ الاتفاقية غير إلغائها، ومفيش أي مسؤول اتكلم عن إلغاء الاتفاقية، لإن لو تم إلغائها الاتحاد الأوروبي هيفرض جمارك على السلع المصرية، وده هيقلل من قدرتها على المنافسة في أوروبا وبالتالي هيقلل من الصادرات اللي بتدخل عملة صعبة لمصر. ليه الحكومة حاولت تأجل تطبيق قرار إلغاء الجمارك؟🤔 الحكومة حاولت تأجل تطبيق القرار لحين الانتهاء من إعداد استراتيجية صناعة السيارات اللي بتهدف إلى تقديم حوافز للشركات التي تقوم بتجميع السيارات محليًا عشان تقدر تنافس السيارات الأوروبية اللي يتم تجميعها في تركيا والمغرب. الحكومة تأمل إن الاستراتيجية دي تساهم في تطوير وتعميق صناعة السيارات المحلية وزيادة نسبة المكون المحلي من خلال الحوافز التي ستقدمها للمستثمرين. هل أسعار السيارات هتقل؟🤷‍♂️ بعض المسؤولين والخبراء، زي رئيس مصلحة الجمارك السيد نجم، ومستشار وزير المالية لشؤون الجمارك مجدي عبد العزيز، بيقولوا إن تخيفض الجمارك لن يحدث أثرًا كبيرًا على أسعار السيارات فى السوق المصرية، وإنه الأثر هيبقى محدود للغاية. لكن بحسب مسؤولين تانيين زي نائب رئيس شعبة السيارات بالاتحاد العام للغرف التجارية أشرف شرباص، وعضو مجلس إدارة شركة مسوقي السياراتأميك رامي جاد، فالمفروض أسعار السيارات الأوروبية هتقل بنسب ملحوظة. نسب الانخفاض دي آد إيه؟ سعر السيارة في مصر سعر استيرادها من بلد المنشأ الجمارك رسم جدول رسم تنمية 14 قيمة مضافة. وبالتالي البند اللي هيتشال من البنود دي هو بند الجمارك فقط، وهو بند متغير على حسب سعة محرك السيارة. السيارات الأوروبية الأقل من 1300 سي سي جماركها صفر، وبالتالي أسعارها مش هتتغير. السيارات الأوروبية 1600 سي سي جماركها 12 من سعرها في بلد المنشأ، وبالتالي المفروض سعرها في مصر هيقل 12 عن سعرها في بلد المنشأ، يعني لو سعرها في أوروبا 10000 آلاف دولار، المفروض سعرها يقل 1200 دولار. السيارات الأوروبية الأعلى من 1600 سي سي إلى 2000 سي سي سعرها المفروض هيقل بنسبة بنسبة 30 من سعرها في بلد المنشأ. السيارات الأوروبية الأعلى من 2000 سي سي، المفروض سعرها هيقل بنسبة 40 من سعرها في بلد المنشأ. أصحاب معارض السيارات اللي عندهم عربيات مركونة هيعملوا إيه؟ في ركود حاليًا في سوق السيارات بنسبة بلغت 35، لإن كل الناس منتظرة تخفيض الجمارك عشان الأسعار تقل شوية. في معارض سيارات بتقول إن الأسعار مش هتتغير كتير عشان تقنع الناس تشتري من المخزون اللي عندها بالسعر الحالي، وفي معارض تانية أخدت مبادرة لتحريك السوق وعرضت إنها ترجع فرق سعر السيارات اللي هينخفض في أول 2019 للناس اللي هتشتري دلوقتي.

أداة 2 بتساعدنا نعرف مكان التقاط الصور وإحداثياتها بالتحديد، سواء كانت صور مُلتقطة بالهواتف أو كاميرات التصوير. الأداة بتعتمد في ده على تحليل الـ ​وهي البيانات المُخزنة مع الصور اللي مش بنقدر نشوفها لكنها مرتبطة بكل صورة بناخدها، زي إحداثيات المكان اللي صورنا فيه الصورة وفين ده على الخريطة، ونوع الكاميرا أو الموبايل اللي صورنا بيه، وفتحة العدسة وهل استخدمنا فلاش ولا لاء، ومقاسات وجودة الصور. لازم الصور تكون بوضعها الخام ومحصلش عليها أي معالجة أو تعديل. وكمان مش صور منشورة على مواقع التواصل الاجتماعي لأن الشبكات دي بتحذف الميتا داتا من الصور بمجرد نشرها عليها.

خبر متداول بشكل كبير على مواقع التواصل الاجتماعي نقلًا عن موقع اليوم السابع ، بيقول: لجنة زراعة حزب النور بكفر الشيخ تكتشف نباتا ينتج بطاطس وطماطم فى آن واحدورئيس اللجنة المركزية بالوزارة: سنبحث الاكتشاف ومدى آثاره على الإنسان وفرق بحثية من الجامعة والزراعة لحسم الأمر. حزب النور الصفحة الرسمية أولًا، الخبر ده قديم من أبريل 2014، وبيتم إعادة تداوله بشكل ساخر اليومين دول على خلفية أزمة نقص البطاطس.👀👀 زراعة نبات ينتج بطاطس وطماطم في وقت واحد ده مش اكتشاف من لجنة زراعة حزب النور ولا حاجة، الموضوع تم تجربته في بريطانيا في 2013 على إيد شركة طومسون ومورغان المتخصصة في البستنة، والتجربة نجحت وصحف ومواقع بريطانية زي بي بي سي نشروا عنها. تجربة حزب النور مكنتش تجربة ولا حاجة، ده الموضوع طلع صدفة مع أحد المواطنين اللي زرع تقاوي بطاطس وفوجئ إن النبات أنتج بطاطس وطماطم في نفس الوقت، ووقتها اللجنة الزراعية بحزب النور اهتمت بالموضوع وتم تسويقه إعلاميًا باعتباره إعجاز رباني وسابقة علمية كبيرة، وتمت المطالبة بتوجيه لجان بحثية فى مجال الوراثة ومجال الخضار لبحث الموضوع. في الوقت ده رئيس الإدارة المركزية بوزارة الزراعة قال إنه سيتم دراسة الظاهرة وفي حالة كونها مجدية سيتم تعميمها من خلال مراكز البحوث الزراعية ويتم إصدار تقاوي وتوزيعها، لكن بعدها الموضوع نام تماما ومحدش اتكلم فيه تاني ولا شفنا بيانات من الوزارة أو من أي جهة مختصة.

من خلال نقدر نبحث عن أشياء كتير على فيس بوك، بشكل سهل وبسيط ودقيق في نفس الوقت. الأداة عبارة عن قوائم تتضمن خانات بحث مُتعددة، فتقدر تبحث بيها عن الأشخاص والإيفنتات، والمواد المصورة والبوستات المتداولة لو كام كلمة مثلا من نص بوست تقدر تبحث عنه، حسب تقسيمات معينة سواء كانت البوستات منشورة من أصدقائك أو أصدقاء أصدقائك أو من الجميع عامة. كمان تقدر تبحث عن الأشخاص، حسب الاسم والنوع، مكان العمل، محل الإقامة، الاهتمامات، المدرسة، المسمى الوظيفي، اللغة التي يتحدثون بها، الأماكن اللي كانوا فيها من قبل. إلخ. إذا واجهت مشكلة في نتائج البحث حاول تغير اللغة اللي بتستخدم بيها فيس بوك من الإعدادات بحيث تكون الإنجليزية الأمريكية.

أوقات كتير واحنا بنتصفح انستجرام من الموبايل، تعجبنا صور نبقي عايزين نحتفظ بيها، تطبيق الموجود على جوجل بلاي والايتونز بيسمح لنا بتحميل الصور اللي احنا عايزينها من انستجرام بسهولة. التطبيق مساحته صغيرة جدا، واستخدامها سهل بمجرد ما بتاخد كوبي لـ الخاص بالصورة والفيديوهات وتعمله في المربع الموجود في واجهة التطبيق بيتح لك اتك تعمل حفظ للصورة على موبايلك أو تخليها في صورك المفضلة.