مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
فرز الأخبار
النهاردة، حصل زلزال في مصر الساعة 12:36 ظهرًا، وبقوة 4 درجة ريختر، عمقه 22 كيلومتر، على بعد 51 كيلومتر شرق القاهرة و44 كيلومتر جنوب شرق مدينة الخانكة. وإحداثيات مكان وقوعه بالظبط 30.04 31.78 .
المعلومات دي بالطبع متوافرة لدى قسم الزلازل في معهد الفلك في مصر، مع اختلافات طفيفة جدًا في دقة الرصد، لكن فيه موقع المرصد الأوروبي للزلازل، في حالة لو حبينا نتأكد إذا كان زلزال حصل فعلا ولا لاء، أو لو عندنا فضول نتعرف على حالة الزلزال، سواء في مصر أو في أي مكان في العالم في وقتها بالظبط.
في الموقع تصنيفات مختلفة لرصد الزلازل في قسم ، منها قائمة اسمها ، تتضمن آخر تحديثات فورية لحالة الزلازل في العالم، وعند الضغط على أي مكان في القائمة بيتم عرض تفاصيل أكتر عنه، مع إمكانية عرض لمكان الزلزال من خلال الخرائط.
أداة لبحث متقدم على فيس بوك
من خلال أداة ، وهي حروف مختصرة لـالبحث المتقدم لفيس بوك، ممكن لمستخدميها السيرش بشكل أكثر دقة عن أي شىء على فيس بوك، خاصة ما يتعلق بالحسابات الشخصية أو الصفحات العامة.
بعد ما تثبت اكستنشن الأداة على جوجل كروم تقدر تستخدمها من خلال انك بتفتح الحساب اللي بتسيرش فيه وبعدين تضغط على أيقونة الأداة اللي بتوفر لك إمكانية البحث في صور واهتمام الأشخاص والأماكن اللى زاروها وقوائم الأصدقاء. وكمان تسيرش عن عبارات أو كلمات معينة تعتقد أن الحساب كتبه، وبتحدد له نطاق الفترة الزمنية للسيرش، وده أوبشن كويس لأنه بيضيق دايرة البحث في وقت محدد بعينه.
زي كل مرة بنتكلم عن الأدوات المستخدمة في السيرش على فيس بوك، بنأكد إنه الهدف مش اختراق خصوصية حد، سوى إنه الأدوات بتستخدم لأغراض مهنية بحتة أو للتأكد من شىء. وكمان تعتبر الأدوات دي فرصة لينا نعرف الأشخاص اللي مش شرط يكونوا في قوائم أصدقائنا حتى، ايه اللي يقدروا يشوفوه في حساباتنا فنقوم وقتها بتعديل إعدادات الخصوصية لتحقيق حد أدنى من الأمان والخصوصية بعيدًا عن المتلصصين.
آخر الأخبار
