دحض الإدعاء

** الفيديو مجتزأ، لم يدلِ مدحت شلبي بتلك التصريحات، بل بالعكس المقطع الكامل للفيديو ينفي فيه "شلبي" صدور تلك التصريحات عنه، بعد انتشارها على السوشيال ميديا. = ويقول مدحت شلبي في المقطع الكامل من البرنامج: "منزلين صورة ليا وانتشرت انتشار غير طبيعي، وانا معرفتش غير النهاردة من شوية، حاطين صورتي وكاتبين مدحت شلبي نقطتين، الكابتن محمود الخطيب طلب من ريكاردو ساوريش مدرب النادي الأهلي تقرير عن خسارة الكأس، رد عليه وقاله أصبر شوية وهديك تقرير عن خسارة الكأس والدوري". ** ويعلق شلبي عن التصريحات المفبركة في الفيديو الكامل قائلا: "هل معقول أنا أقول الكلام ده.. ميصحش ميصحش.. وانا بنفي عشان محدش يشوف ويقرأ ويتصور أنه ده حقيقي، عمري ما أقول الكلام ده ولا يطلع من بوئي على الإطلاق، والله أنا ما قولت ولا اتكلمت في الاتجاه ده إطلاقًا". ** وبتتبع صحيح مصر، لحلقات برنامج مساء أون تايم سبورت السابقة، اللى بيقدمه مدحت شلبي من الثلاثاء للخميس، لم تصدر عنه تلك التصريحات في أي حلقة من الحلقات السابقة.