---

دحض الإدعاء

** البوست مضلّل، والتصريحات مزيفة، لأن بمراجعة لقاء مروة سلطان أرملة علاء علي، مع برنامج أوضة اللبس، يوم 9 نوفمبر الجاري على قناة النهار، لم تذكر خلال اللقاء أي تبرعات قدمها شيكابالا لها أو لأولادها، والمبلغ اللي أودعته في البنك باسم الأولاد، قالت إنه جمعه "عدد من اللاعبين داخل النادي" ولم تذكر أن شيكابالا واحد من أولئك اللاعبين. = وفي حوار آخر مع جريدة الوطن يوم 11 نوفمبر، نفت مروة سلطان أي تواصل بين شيكابالا وبين أسرة علاء وأولاده، وأكدت أنه لم يقدم أي تبرعات أو يجمع أي أموال لهم أو للأولاد، وقالت نصًا: "أنا نفسي محدش يقول كلام مش بيحصل، لأن ده بيثير استفزازي، أنا بحبه جداً وعلى دماغي من فوق، وولادي بيحبوه وعلاء كان بيحبه أوي أوي، بس الكلام ده مالوش أي أساس من الصحة". = وأكدت سلطان "معنديش أي تواصل مع كابتن شيكابالا حتى تليفونيًا، ولو لمجرد السؤال ده مش موجود، ليه يتقال كلام زي ده، كلام غريب ويضحك ومش منطقي ولا هو نفسه يحب يطلع كلام زي ده، معرفش مين المستفيد بنشر هذا الكلام". = ودي مش أول مرة، في سبتمبر 2021 سبق وقالت مروة سلطان إن "لاعب الزمالك محمود عبد الرازق شيكابالا لم يتبرع لها ولا لأسرتها"، وقالت إن شيكابالا نفسه لم يصرح بذلك سواء علنا أو لها. ** في حوارها مع برنامج أوضة اللبس، قالت إن "معندهاش أى مشكلة فيما يتعلق بمعاش اللي بتصرفه إدارة الزمالك الحالية، واللى مضايقني إن المعاش هو فقط ألف جنيه شهريًا"، ولم تتحدث عن عدم انتظامه، ولم تتطرق أساسا للحديث عن مرتضى منصور، رئيس الزمالك الموقوف سواء إيجابًا أو سلبًا. **توفي لاعب الزمالك علاء علي في عام 2019، بعد إجراءه جراحة دقيقة لإزالة ورم حميد بالمخ، وتقول زوجته إنه "بعد الجراحة بدأ علاء يخضع للعلاج الإشعاعي، واللي مجهد جدا ويحتاج للراحة الشديدة. لكنه أصر على نزول صالة الألعاب الرياضية، وكان يتدرب بقوة للعودة للملاعب، لكن قلبه لم يحتمل هذا الأمر وتوفي بسبب مشاكل في القلب".