مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
يوم اللاجئ العالمي.. 5 حقائق #متصدقش بتقولك صدقها
Jun. 23, 2023
(تحقيق- الحقيقة فين- اعرف- سين وجيم- تقارير- علشان محدش يضحك عليك- مدونة- والمواد المتشابهة في المنصات الشريكة)
دحض الإدعاء
5 حقائق #متصدقش بتقولك صدقها
1- اللجوء مش رفاهية:
اللاجئ هو شخص اضطر يسيب بلده بسبب حرب أو نزاع أو اضطهاد بيتعرض له، وله حق الحصول على الحماية الدولية في البلد المضيف، وفقًا لاتفاقية الأمم المتحدة للاجئين لعام ١٩٥١، ومصر من ضمن الدول الموقعة على الاتفاقية. اللاجىء مايقدرش يرجع بلده طول ما سبب تركه لبلده الأصلي لسه قائم لإن ده بيهدد حياته.
2- اللاجئين في مصر 299 ألف مصر فيها أكثر من ٢٩٩ ألف لاجئ وطالب لجوء مسجل وفقًا لإحصائيات مفوضية اللاجئين عن شهر مايو لعام ٢٠٢٣، من ٦٠ دولة مختلفة.
3- الحق في التعليم أكثر من ٨٥٪ من الأطفال اللاجئين في مصر يقدروا يوصلوا للتعليم الحكومي على قدم المساواة مع المواطنين، بيمثلوا ٤ جنسيات: سوريا واليمن والسودان وجنوب السودان.
4- الحق في الصحة اللاجئين وطالبي اللجوء من كل الجنسيات في مصر ليهم حق الحصول على الخدمات الصحية الأولية والثانوية والطوارىء اللي بتوفرها الدولة للمصريين بنفس المبلغ الرمزية.
5- اللاجئين مش عبء على الاقتصاد اللاجئين مش عبء على اقتصاد الدولة المضيفة، لأن مفوضية اللاجئين والمجتمع الدولي بيدعموا البنية الأساسية للدول المضيفة للاجئين وده بينعكس كمان على أهل البلد. دورنا إننا ندعم اللاجئين لإن الحروب والنزاعات دمرت حياتهم وده مش باختيارهم، والدعم في الظروف دي واجب.
آخر الأخبار
