---

دحض الإدعاء

الحقائق: = كلام ميدو غير دقيق، وفي قنوات كتير تنتقد فرق الكورة التابعة لها حتى تقومها وتعدل مسارها، ومنهم قناة النادي الأهلي منافس نادي الزمالك التقليدي، ففي 6 أبريل 2019، وبعد نهاية مباراة الذهاب في ربع نهائي دوري أبطال إفريقيا بين فريق صن داونز الجنوب إفريقي والنادي الأهلى، واللى انتهت بفوز صن داونز بخمسة أهداف، شنت قناة الأهلي الرسمية هجوم عنيف ضد لاعبي الفريق والجهاز الفني. = إسلام الشاطر مُقدم الاستوديو التحليلي في هذه الحلقة، قال نصا " في فضيحة كبيرة.. الأهلى يخسر 5/0 من صن داونز، فضيحة بسبب الأداء واللاعبين، ما حدث اليوم كارثة، 10 لاعبين في الملعب يستحقوا الهزيمة.. الأساسي والبدلاء يستحقوا الهزيمة، ماعدا محمد الشناوي". = إسلام الشاطر كمان واصل الهجوم وقال نصًا: "إحنا اه في قناة الأهلي لكن لازم نتكلم بنبض الجمهور، احنا هنا في القناة أكتر ناس بنعلي اللاعبين ونقف معاهم لكن اللى حصل كارثة لا روح ولا إصرار، ده لو التى شيرتات بتاعت الأهلي لعبت فاضية كانت هتبقى أحسن من المنظر ده.. بعتذر لحضراتكم عن اللى حصل". * تقدر تطلع على فيديو هجوم إسلام الشاطر ضد فريق الكورة بالنادي الأهلي بعد الهزيمة الثقيلة من بطل جنوب أفريقيا موجودة في التعليقات. * هو إيه اللى حصل من قناة الزمالك بعد مباراة الزمالك ووادي دجلة؟ ** بعد تعادل الزمالك بدون أهداف مع فريق وادي دجلة -آخر جدول الدوري العام- شنت قناة الزمالك هجوم على لاعبي فريق الكورة والجهاز الفني، وركزت هجومها على اللاعبين وصرحت إنهم رفضوا التدريب قبل المباراة بحجة تأخر المستحقات. ** خالد الغندور مٌقدم الاستوديو التحليلي، قال إن اللاعبين على أرض الواقع عايزين بـ20 أو 30 و40 مليون جنيه، وبيتأخروا عن التدريبات بسبب عدم الحصول على مستحقاتهم، وهما الموسم اللي فات خسرانين افريقيا والدوري والكأس. ** الكابتن طارق يحيى قال إن "اللي حصل ده كلام فاضي" ويقصد بيها الامتناع عن التدريب، واستكمل: "الزمالك أكبر من أي حد، عمرنا ما قولنا مش هننزل التدريبات عشان الفلوس، اللي حصل ده عقاب من ربنا، وبقولهم اللى عايز يمشي يمشي، هنلعب بالناشئين".