---

دحض الإدعاء

** أجرى وزير النقل كامل الوزير حوارًا مع برنامج على مسئوليتي من داخل أحد قطارات السكة الحديد، وخلال الحوار وقع في عدد من الأخطاء، وسرد عدة معلومات غير دقيقة: ** الخطأ الأول: "سكك حديد مصر تاني سكك حديد في العالم بعد إنجلترا". = ده تصريح غير دقيق، سبق سكك حديد مصر، افتتاح فرنسا تاني خط في العالم سنة 1828، امتد بين "سانت إتيان" إلى "أندريزيو"، وبعدها الولايات المتحدة في 1830 افتتحت تالت خط سكك حديد بين "بالتيمور" إلى "ماسشوستس". = مصر بدأت في إنشاء خط سكك حديدية سنة 1834، ولكن المشروع توقف ولم يكتمل إلى أن أعيد إحياء الفكرة مرة أخرى سنة 1851، وسيرت مصر أول قطار سكة حديد بين القاهرة وكفر الزيات سنة 1854، بعد افتتاح خطي فرنسا والولايات المتحدة ومن قبلهم أول خط افتتحته إنجلترا. * الخطأ التاني: "انجلترا عملت سكك حديد مصر عشان إحنا ساعتها كنا أحد الدول اللي يعني من ولايات المملكة المتحدة اللي هي انجلترا". = ده تصريح غير دقيق، لأن مصر افتتحت أول خط سنة 1854 أي قبل الاحتلال الإنجليزي لمصر سنة 1882 بـ 28 سنة، وفي ذلك الوقت كانت مصر ولاية تابعة للدولة العثمانية يحكمها الخديوي سعيد باشا. = بدء التفكير في إنشاء مد خط السكك الحديدية سنة 1834، في عهد محمد علي باشا، لكن توقفت الفكرة. = وفي سنة 1848 وقع الخديوي عباس الأول عقد مع روبرت ستيفنسن بقيمة 56 ألف جنيه إنجليزي لإنشاء خط سكك حديد لربط القاهرة بالإسكندرية بطول 209 كم. = وبدء العمل فيه سنة 1852 واستمر العمل فيه ست سنوات، حتى اكتمل ربط القاهرة بالإسكندرية في سنة 1856. = ولكن في سنة 1854 تم تسيير أول قاطرة على أول خط سكك حديدية بين القاهرة ومدينة كفر الزيات، قبل اكتمال الخط بين القاهرة والإسكندرية. = وفي سنة 1858 تم افتتاح الخط الثاني بين القاهرة والسويس. ** الخطأ الثالث: "كنا قبل ثورة يناير بنشيل (السكة الحديد) مليون راكب في اليوم.. في 30 يونيو 2020 رجعنا شيلنا مليون راكب مرة تانية". = ده تصريح غير دقيق، عدد ركاب السكة الحديد في عام 2009 كان 266 مليون راكب، أي ما بمعدل (728 ألف شخص يوميًا تقريبًا) وفي عام 2010 كان 245 مليون راكب أي بمعدل (671 ألف شخص يوميًا تقريبًا). = لم يصل عدد ركاب القطارات إلى مليون راكب يوميًا في 2020، ولكن بلغ 232 مليون راكب في السنة بمعدل (634 ألف يوميًا)، في النص الأول من السنة كان 105.6 مليون راكب أي (582 ألف راكب يوميًا)، وفي النصف الثاني كان 126.4 مليون راكب أي (687 ألف راكب يوميًا). = بلغ عدد الركاب القطار خلال الشهور الماضية: يناير 2021: 21.2 مليون راكب (684 ألف راكب يوميا) فبراير 2021: 21.1 مليون راكب (754 ألف راكب يوميا) مارس 2021: 13.2 مليون راكب (425 ألف راكب يوميا) أبريل 2021: 19.6 مليون راكب (653 ألف راكب يوميا)