دحض الإدعاء

– الكلام ده غير صحيح. مفيش أي جهة رسمية صينية أعلنت دخول 20 مليون شخص في دين الإسلام، ومفيش أي موقع موثوق نشر الكلام ده. وفيروس كورونا المستجد (2019-nCoV) موجود في معظم أقاليم الصين ومن ضمنها الأقاليم اللي بيعيش فيها أعداد كبيرة من المسلمين.✅✅

– كمان مفيش حاجة اسمها “القناة الصينية الأولى”. التلفزيون الحكومي اسمه “CCTV” ومأعلنش أي خبر بالمحتوى ده.✅✅

– الصورة المنشور مع البوست هي صورة الشيخ ما تشانغ تشينغ، إمام مسجد دونغقوان في مدينة شينينغ بمقاطعة تشينغهاي الصينية، واللي اتوفى سنة 2018.✅✅

– المسلمين الصينيين بيعيشوا بشكل أساسي في أقاليم نينغشيا وشينغيانغ وتشينغهاي، وتم تسجيل حالات إصابة بفيروس كورونا في الأقاليم دي (58 في نينغشيا و59 في شينغيانغ و18 في تشينغهاي).✅✅

– معظم مقاطعات الصين سجلت حالات إصابة بفيروس كورونا، لكن أكثر المقاطعات تسجيلًا لإصابات هي مقاطعة هوبي، اللي بدأ منها المرض، واللي متسجل فيها حتى الآن أكثر من 33 ألف حالة إصابة من إجمالي حوالي 44 ألف إصابة تم تسجيلها في الصين. ونفس المقاطعة مسجل فيها معظم حالات الوفيات بسبب فيروس كورونا المستجد واللي وصلت 1068 وفاة من أصل 1116 حالة وفاة مسجلة عالميًا.

– مقاطعة التبت من أقل المقاطعات تسجيلًا لحالات إصابة بفيروس كورونا (حالة واحدة فقط) وأغلب سكانها بوذيين.