دحض الإدعاء

– الكلام ده غير صحيح. دي صورة الست مع ابنها، مش مع الطفل اللي وجدته في نيجيريا. ✅✅
– السيدة “Anja Ringgren Lovén” هي عضو في إدارة منظمة خيرية في الدنمارك اسمها أرض الأمل “Land of Hope” واشتهرت من 4 سنوات لما اتصورت الصورة الشهيرة مع الطفل النيجيري، اللي سموه Hope.
– “أنجا” لم تعلن تبني الطفل Hope، لكن جمعيتها بترعاه مع عشرات الأطفال الآخرين. ✅✅
– “أنجا” بتتكلم دايمًا عن Hope، وبتنشر صور له بعد ما تلقى الرعاية وصحته بقت أفضل، وبتقول إن إنقاذه كان مجهود جماعي يقوده اتنين نيجيرين في فريق إغاثة اسمه ACAEDF، وإنها لم تنقذه وحدها، ولم تكن المُخَلص الأبيض اللي جاء إفريقيا عشان ينقذ أطفالها.
– المنظمة اللي بتديرها أنجا، تأسست سنة 2011، وتعمل على رعاية الأطفال الموصومين بالسحر، واللي أحياناً أهلهم بيقتلوهم أو بيعذبوهم بسبب اعتقادهم إنهم سبب الفقر. مهمة المنظمة الرئيسية هي جمع التبرعات وبيع المنتجات اللي مكاسبها تخصص لصالح الأطفال دول.
– منظمة أرض الأمل هي الراعي الرسمي لمؤسسة نيجيرية أسمها ACAEDF، مهمتها تعليم وتنمية مساعدة الأطفال الأفارقة، وهي اللي بتقوم بالمهام اليومية لرعاية 74 طفل في مركز أرض الأمل في منطقة Akwa Ibom في نيجيريا.