مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
حقيقة ظهور خالد أبو النجا أمام لوحة ثمن الخيانة في الكونجرس
Apr. 04, 2019
تتضمن (زائف- مفبرك- بوست غير صحيح- خبر غير صحيح- تصريح غير دقيق- تصريح كاذب- صورة مزيفة- مضلل- فيديو مضلل- بوست مضلل- خبر مضلل- عنوان مضلل)
- بوست منتشر بيقول: "خد المفاجأه دي فاكر لما خالد ابو النجا وعمرو واكد راحوا للكونجرس الاميريكى وباقي الخونه اللي كانوا معاهم عارف تم مقابلتهم فين فى غرفة معلق علي احد جدرانها لوحه فنيه واحده مفيش غيرها اللوحه دي إسمها (ثمن الخيانه) وهي ليهوذا أحد تلاميذ المسيح الذي خانه و باعه و سلمه لليهود مقابل 30 من الفضه ..والحدق يفهم ياريت كانوا فهموا ان الامريكان نفسهم بيعتبروهم خونه لبلدهم شاهد الصوره من قناة الحره الامريكية"..
دحض الإدعاء
– الحقيقة إن كل الكلام ده غير صحيح، لا اللوحة الفنية اسمها “ثمن الخيانة” ولا هيا ليهوذا أحد تلاميذ المسيح،الصورة نسخة مُصغرة من رسوم فنية في مكان مخصص للفنون داخل الكونجرس، اسمه “Capitol rotunda”. والشخص المرسوم في الصورة هو “Vulcan”، إله النار والحدادة عند الرومان والإغريق. وكان بيطلق عليه كمان إله الكيمياء.✅✅
– رسمة فولكان في الكونجرس بتتقدم على أنها رسم حداثي ثوري بيظهر “فولكان” وتحته مدفع وفي خلفية الصورة محرك بخاري.
وكمان حسب موقع الكونجرس، كان يُعتقد أن الرجل اللي ظهر في المقدمة هو تشارلز توماس اللي كان مسؤولاً عن الأعمال الحديدية لقبة الكابيتول.
آخر الأخبار
