مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
حقيقة العثور على كارنيه مجند مصري في مدينة ترهونة الليبية
Jun. 05, 2020
تتضمن (زائف- مفبرك- بوست غير صحيح- خبر غير صحيح- تصريح غير دقيق- تصريح كاذب- صورة مزيفة- مضلل- فيديو مضلل- بوست مضلل- خبر مضلل- عنوان مضلل)
- صورة منتشرة لكارنيه عسكري في الجيش المصري ومكتوب عليها "اللي ضايع منه تعريفه العسكري في ترهونة يكلمني، في الحفظ والصون"، في إشارة للعثور على الكارنية مجند من الجيش المصري في ليبيا.
دحض الإدعاء
– الكلام ده غير صحيح، ده كارنية ضايع من مجند ساكن في عزبة النخل شرق القاهرة، واللي لقاه نشر على عدد من إعلان، الجروبات زي “أنا وبن عمي بنساعد الغريب” و”جروب عزبة النخل الصفحة الرسمية” وكتب رقم تليفونه للتواصل.✅✅
– كمان لو ركزنا في تاريخ صدور الكارنية، هنلاقي إن المجند لسه مستجد، ودخل الجيش بتاريخ 16/5/2020، يعني من حوالي 20 يوم، ومعروف إن المجندين في الفترة دي بيكونوا لسه في مركز التدريب، ولم ينتقلوا إلى وحداتهم الأساسية التي هيكملوا فيها فترة تجنيدهم. ✅✅
– في الفترة دي المجند يكون مقيم في مركز التدريب، ومش بيشارك في الحراسة والعمليات العسكرية غير بعد انتهاء فترة التدريب.
– مصر تقدم دعم لخليفة حفتر، قائد قوات الجيش الليبي في شرق ليبيا، مقابل الدعم التركي لقوات الجيش التابعة لحكومة الوفاق في طرابلس ومدن الغرب، لكن لم يظهر تواجد أي جندي أو ضابط مصري في المعارك الدائرة هناك.
آخر الأخبار
