مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
حقيقة تسعير السيسي للحمة بـ 60 جنيه
Feb. 27, 2019
تتضمن (زائف- مفبرك- بوست غير صحيح- خبر غير صحيح- تصريح غير دقيق- تصريح كاذب- صورة مزيفة- مضلل- فيديو مضلل- بوست مضلل- خبر مضلل- عنوان مضلل)
خبر منتشر بشكل كبير جدًا (قرب 8 آلاف شير) بيقول "قرار رئاسي.. اللحمة تعميم ب ٦٠ جنيه.. الجزار إللي هيرفع السعر عن كده بلغوا عنه مباحث التموين وخدمة المستهلك.. الدولة أدخلت عشرات المراكب محملة بآلاف الرؤس من المواشي الحية وتم توزيعها علي جَزَّارين السوق وبسعر مخفض جدا يعني إللي كان سعره من قبل ٢٥٠٠٠ أصبح ب ١٧٠٠٠.. خلي بالكم كل الجزارين اشتروا من العجول دي ولازم يبيع بالسعر الجديد ومن يخالف بلغوا عنه".
دحض الإدعاء
الكلام ده غير صحيح، مفيش أي قرار رئاسي بالكلام ده. وكمان مفيش أي جهة رسمية أو مسؤول أعلن عنه.
مفيش عندنا في مصر تسعيرة إجبارية، ومفيش تصريحات مؤخرًا عن وجود نية لفرضها.
في ٢٠١٣ اتعملت “تسعيرة استرشادية” واتلغت في ٢٠١٤، وبعدين مطالبات من وقت للتاني من المواطنين لفرض تسعيرة جبرية على التجار منعًا لجشع التجار، لكن مفيش أي قرار رسمي بها.
وزارة التموين كانت أعلنت أواخر 2017 قالت إنها هتفرض على التجار وضع “التسعيرة”، فالناس اعتقدت إن دي هتبقى تسعيرة جبرية”، لكن الوزارة وضحت إن المقصود إنها هتلزم التجار “بإعلان سعر المنتج وتوضيحه”.
آخر الأخبار
