مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
حقيقة هتاف عمر عصر لتركيا وتحيته لأردوغان
Jun. 30, 2018
تتضمن (زائف- مفبرك- بوست غير صحيح- خبر غير صحيح- تصريح غير دقيق- تصريح كاذب- صورة مزيفة- مضلل- فيديو مضلل- بوست مضلل- خبر مضلل- عنوان مضلل)
- بوست منتشر بيقول إن سبب إيقاف لاعب تنس الطاولة المصري عمر عصر وترحيله من أسبانيا، هو إن "الواد لاعب تنس الطاولة الاخوانجي في دورة العاب البحر المتوسط اللي لما جت منافسته مع لاعب تركيا راح سلم عليه وقاله وصل سلامي للخليفة اردوغان ورفض يمثل مصر وشتمها وهتف لتركيا".
دحض الإدعاء
– الكلام ده غير صحيح.❌❌
– هشام نصر رئيس بعثة مصر في دورة ألعاب البحر المتوسط واللي حقق في الواقعة، نفى تمامًا تواصل عمر عصر مع اللاعب التركي أو الكلام معاه في أي حاجة، كما يتم الترويج على وسائل التواصل الاجتماعي✅✅✅.
– بحسب رئيس البعثة السبب الحقيقي لإيقاف اللاعب هو تلفظه بألفاظ مسيئة لمصر.
– اللاعب عمر عصر نفسه طلع في فيديو وقال إنه كان متعصب عصبية ملعب بسبب إصابته في الركبة وخوفه ليخسر ويخرج من التصنيف العالمي، وإنه يتشرف بتمثيل مصر.
– وكمان رئيس بعثة مصر في دورة ألعاب البحر المتوسط قال إن معروف عن اللاعب إنه “عصبي”، لكن ده مش مبرر إنه يقول كلام مسيئ لمصر خلال تمثيلها، عشان كده تم اتخاذ قرار بوقف مشاركته وترحيله من أسبانيا.
آخر الأخبار
