مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
حقيقة خروج ديدان من العدس بعد طهيه
Dec. 16, 2018
تتضمن (زائف- مفبرك- بوست غير صحيح- خبر غير صحيح- تصريح غير دقيق- تصريح كاذب- صورة مزيفة- مضلل- فيديو مضلل- بوست مضلل- خبر مضلل- عنوان مضلل)
- صور متداولة بشكل كبير لعدس في حلة وحواليه حاجات بيضاء صغيرة، مع تعليق: "#تحذير_هام_جدا نزل منشور ان فى شحنة عدس مسرطنه وإن العدس نظيف وذى الفل بمجرد وضعه فى المايه السخنه بيظهر الدود كله رغم ان العدس ذى الفل فى البرطمان، طبعا احنا قولنا دى اشاعه، بس للاسف دى تجربه شخصيه العدس نظيف وذى الفل شوفوا بقى فى المايه الله اتملت دود".
دحض الإدعاء
– الكلام ده غير صحيح، اللي ظاهر جنب العدس دي براعم منه مش ديدان.✅✅
– مفيش ديدان بتكون في قلب العدس من جوه، لو في حشرات أو ديدان بتكون ظاهرة من بره حواليه ومن قبل الطهي.
– اللي ظاهر حوالين العدس دي براعم عشان العدس “نبت”، ولو حد جرب وساب العدس منقوع شوية أو في مكان رطوبته عالية هيلاقيه بدأ ينبت. البراعم في البداية مبتكونش واضحة أوي، لكن لو قعدت يومين تلاتة هتظهر بوضوح وهتبقى كبيرة، فممكن العدس كان بدأ ينبت ولما اتغلى على النار البراعم بدأت تنفصل.
– العدس المنبت معروف، وفي ناس بتحب تعمله لان له فوايد غذائية وفيه نسبة فيتامينات عالية، وكمان فيه سعرات حرارية قليلة.
– مصر بالفعل بتستورد كل احتياجاتها من العدس من الخارج.
آخر الأخبار
