دحض الإدعاء

– عادة الصور المُلتقطة في وقت النهار بتتضمن ظلال أو انعكاسات ناتجة عن ضوء الشمس على المباني أو الأشخاص، واللي بيتغير شكلها مع تغير حركة الشمس على مدار اليوم.

– وكتير من الصور بيكون مفتاح معرفة وقت التقاطها هو الرجوع لشكل الظلال فيها. هنا تعتبر Sunpath on map أداة مثالية جدًا نتيحة لطريقة عرضها المرنة والجذابة لحركة الشمس في توقيت معين أنت بتختاره من خلال الضغط على علامة تحديد المكان الحمراء اللى في وسط دائرة المسار الافتراضي اللي مفترض تتحرك الشمس في ضوءها.

– وعلى يمين الأداة مجموعة تقسيمات مختلفة، زي اليوم والتاريخ اللي أنت بتتحكم فيه عشان تعرف مكان حركة الشمس في ساعة معينة على مدار اليوم، وبالتالي بتعرف شكل الظلال والانعكاسات خلال الوقت ده.

– كمان فيه توضيح لإحداثيات خطوط الطول والعرض للمكان اللي أنت حددته على الخريطة. كمان إنت تقدر تكتب بنفسك الإحداثيات لو معاك بياناتها عشان تروح مباشرة للمكان اللي بتدور فيها. مع أوبشن تانية مختلفة تقدر تقلب فيها براحتك وتعرف مزاياها.

– الأداة لطيفة وتعتبر بديل كويسة لأداة SunCalc اللي جوجل عطل عملها (على نطاق دوت كوم في حين مازالت شغالة على نطاق دوت أورج) وطالب أصحابها بدفع مقابل استخدام خرائطه.