دحض الإدعاء

– الكلام ده غير صحيح، وأغلبه مبالغات ملهاش أي أساس من الصحة. ✅✅

– دخل سنغافورة بالكامل 508.3 مليار دولار في 2017 فقط ، بحسب أرقام البنك الدولي. يعني مزادش 2 تريليون دولار (يعني 2000 مليار دولار) ولا حاجة.

– متوسط الدخل السنوي للمواطن السنغافوري 42 ألف دولار، وشهريًا 3500 آلاف دولار. يعني مش 85 ألف دولار زي البوست بيقول.

– البوست بيقول إن “جواز السفر السنغافوري أصبح أغلى جواز سفر بالعالم”، لكن الحقيقة إن “أغلى جواز سفر” هو جواز السفر الأسترالي، في حين سنغافورة في المرتبة الثامنة بقائمة أغلى الجوازات في العالم.

– النسبة الحقيقية للبطالة هي 2.1%، مش 1% زي مذكر البوست.

– كمان نسبة الفساد في سنغافورة ما أصبحتش صفر بوصول حليمة يعقوب للحكم، ورغم ذلك فسنغافورة تعتبر في قائمة أقل الدول في نسبة الفساد (المرتبة السادسة).

– “شطبت جميع الضرائب على المنتجات السنغافورية”، بالعكس فيه مطالبات للحكومة بخفض حجم الضرائب المفروضة على منتجات أو خدمات زي الصحة مثلا.

– واتقال كمان في البوست إنه نتيجة لزيادة الدخل القومي كان فيه 5 تريليون فائض (يعني 5000 آلاف مليار)، لكن الحقيقة إن آخر فائض حققته سنغافورة في موازنتها (2017) كانت قرابة 9.61 مليار دولار.