دحض الإدعاء

– التصميم ده مفبرك. موقع الشروق مانشرش أي خبر بالمضمون ده، ولا أي موقع آخر. إحنا اعتقدنا في البداية إنها قلشة سخيفة، بس الواضح إن في ناس أخدتها بجد وبتشيرها على الأساس ده. ✅✅
– العنوان تم تركيبه على تصميم خاص بموقع الشروق، كان عنوانه الأصلي: “«إسراء» تدلي بصوتها على «نقالة» بعد ساعات من إجرائها عملية جراحية في الشرقية”.
– لو أخدنا بالنا هنلاقي إن العنوان المفبرك فيه غلطات إملائية صعب يقع فيها موقع صحفي، زي “اسراء” بدل “إسراء”، و”علي” بدل “على”، ونقاله” بدل “نقالة”، و”الشرقيه” بدل “الشرقية”.
– كمان واضح إن العنوان الأصلي تم التغطية عليه في التصميم المفبرك بمربع بدرجة لون مختلفة عن ألوان التصميم الأصلي.
– التصميم ده انتشر قبل كده بالتزامن مع الاستفتاء على تعديل الدستور في شهر أبريل 2019، وقمنا بتصحيحه وقتها.