مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
حقيقة صورة أحمد نظيف مع القاضي الذي حكم ببرائته
Aug. 27, 2019
تتضمن (زائف- مفبرك- بوست غير صحيح- خبر غير صحيح- تصريح غير دقيق- تصريح كاذب- صورة مزيفة- مضلل- فيديو مضلل- بوست مضلل- خبر مضلل- عنوان مضلل)
- صورة منتشرة بشكل كبير جدًا يظهر فيها رئيس الوزراء الأسبق أحمد نظيف ومعاه عدد من الأشخاص، مع تعليق: "احمد نظيف القاضي ووكيل النيابة والمحامى بعد البرأة.. عمرك شوفت قاضى ووكيل نيابه بيتصوروا مع متهم فى اى دوله فى العالم".
دحض الإدعاء
– الكلام ده غير صحيح. الصورة مفيش فيها أي قاضي من المشاركين في القضية، والشخص اللي لابس روب اسود ده يبقى محامى نظيف وجيه نجيب عبد الملاك.
– الصورة تم إلتقاطها في فبراير 2015، بعد الحكم ببراءة أحمد نظيف وحبيب العادلي في قضية “اللوحات المعدنية”، والحكم كان برئاسة المستشار بشير عبد العال وعضوية المستشارين سيد عبد العزيز التونى وعلاء كمال البيلي، وفي فيديو للحظة النطق بالحكم بيظهر فيه كافة أعضاء المحكمة، بمقارنته بالصورة هنلاقي إن مفيش أي حد منهم واقف في الصورة.
– بعد الحكم ببراءة نظيف، قام بالتقاط صور مع عدد من الموجودين في قاعة المحكمة، وكان منهم محاميه وجيه نجيب عبد الملاك اللي كان بيرتدي روب أسود واللي ظاهر في الصورة، وعدد من أنصاره ومعارفه اللي تواجدوا في القاعة.
– دي مش أول مرة تنتشر فيها الإشاعة دي، بيتم تداولها من عام 2016.
آخر الأخبار
