مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
حقيقة تصريحات وزير التعليم عن أسعار تذاكر عمرو دياب
Nov. 05, 2018
تتضمن (زائف- مفبرك- بوست غير صحيح- خبر غير صحيح- تصريح غير دقيق- تصريح كاذب- صورة مزيفة- مضلل- فيديو مضلل- بوست مضلل- خبر مضلل- عنوان مضلل)
- النهاردة الدكتور طارق شوقي وزير التربية والتعليم، قال إن الوزارة تواجه أزمة كبيرة في التمويل لمشروعات التطوير في القطاع، متابعًا: "الناس عندها استعداد تدفع لأي مركز نصاب أفاق لكن للحكومة لأ، حفلة عمرو دياب وصلت لـ 20 ألف جنيه للتذكرة، واحنا مش لاقيين فلوس نطور بيها التعليم، ولما نتكلم عن مجانية التعليم و ضرورة إعادة النظر في هذا المصطلح، الناس ممكن تحدفنا بالطوب".
دحض الإدعاء
– التصريحات دي قالها الوزير Tarek Shawkiفي كلمته خلال اجتماع لجنة المشروعات بالبرلمان، ونقلتها معظم الصحف والمواقع زي اليوم السابع
– الكلام ده مش حقيقي، مفيش تذكرة في حفل لعمرو دياب في مصر سعرها 20 ألف جنيه، متوسط أسعار التذاكر بين 250 و750 جنية. ✅✅
– من خلال موقع “Ticketsmarche.com” وبمراجعة الإعلان عن أسعار تذاكر حفلات عمرو دياب، أي حد يقدر يشوف أسعار التذاكر.
– على سبيل المثال حفلة الفنان عمرو دياب الجاية في كايرو فيستفال سيتي مول، يوم 30 نوفمبر اللي جاي التذاكر بـ350 و550 جنيه.
– حفل جولف بورتو مارينا اللي كان في أغسطس الماضي كانت بفئتين و هما 300 جنيه و 750 جنيه.
– حفل كايرو فيستفال سيتي مول اللي كان في إبريل كان بـ250 جنيه.
– حتى الحفلات اللي خارج مصر أسعارها مش 20 ألف، مثلًا الحفلة اللي كان عاملة في مدينة سان بطرس برج الروسية وقت كأس العالم كانت أسعارها 150 و300 دولار ( شامل الغداء للتكرة أم 300 دولار) يعني تقريبا بين 2600 و5300 جنية مصري.
آخر الأخبار
