- النهاردة، حصل زلزال في مصر الساعة 12:36 ظهرًا، وبقوة 4 درجة ريختر، عمقه 22 كيلومتر، على بعد 51 كيلومتر شرق القاهرة و44 كيلومتر جنوب شرق مدينة الخانكة. وإحداثيات مكان وقوعه بالظبط (30.04 N ; 31.78 E). - المعلومات دي بالطبع متوافرة لدى قسم الزلازل في معهد الفلك في مصر، مع اختلافات طفيفة جدًا في دقة الرصد، لكن فيه موقع "المرصد الأوروبي للزلازل"، في حالة لو حبينا نتأكد إذا كان زلزال حصل فعلا ولا لاء، أو لو عندنا فضول نتعرف على حالة الزلزال، سواء في مصر أو في أي مكان في العالم في وقتها بالظبط. - في الموقع تصنيفات مختلفة لرصد الزلازل في قسم "Earthquake information"، منها قائمة اسمها "Latest Earthquake"، تتضمن آخر تحديثات فورية لحالة الزلازل في العالم، وعند الضغط على أي مكان في القائمة بيتم عرض تفاصيل أكتر عنه، مع إمكانية عرض لمكان الزلزال من خلال الخرائط.