دحض الإدعاء

– الكلام ده غير صحيح. مفيش شاب مصرى هيصعد على القمر، الحكاية هي إن في شاب مصري اسمه عمرو محمد فاز عام 2012 في مسابقة “YouTube Space Lab” عن تجربة يمكن إجراءها في الفضاء، وفكرته كانت إرسال عنكبوت إلى الفضاء لدراسة تأثير انعدام الجاذبية عليه وعلى طريقة اصطياد فريسته. ✅✅

– جائزة المسابقة مكنتش السفر إلى القمر، كانت السفر إلى روسيا للحصول على التدريبات اللي بيحصل عليها رواد الفضاء، وبالفعل عمرو سافر لروسيا وحصل على التدريب (فيديو له بيحكي عن التدريب في الكومنتات).

– تم إجراء فكرة عمرو في الفضاء على عنكبوت اسمها “نفرتيتي”، والعنكبوت قضت 100 يوم في الفضاء ثم عادت إلى الأرض. وفي ديسمبر 2012 أعلن وفاة العنكبوت “نفرتيتي” لأسباب طبيعية.

– دي مش أول مرة يتم تداول البوست ده فيها، سبق وانتشر قبل كده بشكل كبير جدًا عام 2012.