دحض الإدعاء

– الكلام ده غير صحيح، مصر عندها بالفعل آليات الكشف عن الفيروس حسب الإجراءات المتبعة من منظمة الصحة العالمية.✅✅

– أول إجراء هوا المسح العام لارتفاع درجة حرارة القادمين من الدول اللي فيها الوباء، وده باستخدام جهاز “مسدس ترمومتر”، المزود بجهاز استشعار بالأشعة تحت الحمراء يمكنه قياس درجة الحرارة بدون لمس جلد الشخص، وهو نفسه الجهاز المستخدم بمختلف مطارات العالم حاليا بما فيها الصين، وهوا جهاز عادي ومتوفر في كل الدول.✅✅

-تاني إجراء هوا الكواشف الخاصة بحالات كورونا تحديدا، وده بيتم استخدامه مع الحالات المشتبه فيها (يعني مثلا شخص عائد من الصين ودرجة حرارته مرتفعة وعنده سعال) ومصر كانت من أول الدول في الشرق الأوسط اللي أعلنت منظمة الصحة العالمية إنها حصلت منها على الكواشف في بداية فبراير الماضي.

– ووزيرة الصحة أكدت إن مصر حصلت على 3 دفعات من الكواشف الطبية من منظمة الصحة العالمية. ✅✅

– التأكد التام من وجود الفيروس أو عدم وجوده بيتم عبر الكشف عن الحمض النووي المميز للفيروس، باستخدام جهاز “بي سي آر” ومصر عندها الجهاز ده من زمان، لكنه مكلف في استخدامه ونتيجته بتاخد وقت، عشان كده بيتم اتباع البروتوكول اللي بيبدأ بالمسح البسيط لدرجة الحرارة لحد ما نوصل للتحليل المتخصص.✅✅

– يعني مثلا حالة الشخص الصيني اللي تم الكشف عنه في مصر وظهر إيجابي، بعدها بأيام منظمة الصحة العالمية ووزارة الصحة المصرية عملو مؤتمر صحفي مشترك وقالوا Nن نتيجة الـ “بي سي آر” أظهرت انه سلبي، كل تحاليله تمت داخل مصر، وظهور النتيجة سلبية في الآخر شيء طبيعي لإنه وارد التشخيص في الأول يكون فيه نسبة خطأ وكمان وارد إن الشخص يكون اتعالج لأن أغلب الحالات بتخف ذاتيا زي أي دور برد.✅✅

– كمان في زيارة وزيرة الصحة الأخيرة للصين قالت انها حصلت على 1000 جهاز لكشف فيروس كورونا، وإن كان مش واضح بالظبط ايه هوا الجهاز المقصود.✅✅

*** بعد تعليقات أطباء من المتابعين، وتواصل بعضهم معانا خلال الرسائل قررنا حذف تصحيح سابق ونشر بوست جديد بمزيد من التفاصيل وأكثر دقة.