دحض الإدعاء

– الفيديو مجتزء من سياقه بشكل يظهر فيه الرئيس السيسي بيتكلم عن نفسه.
– الفيديو مكون من مقطعين؛ المقطع الأول كان تصريحات للرئيس السيسي في يناير 2015، بعد هجوم إرهابي ضخم في العريش، ووقتها السيسي كان بيتكلم عن لقائه بقيادي إخواني يوم 21 يونيو 2013، والقيادي ده قاله “هتلاقي ناس من كل ربوع الدنيا جاية تقاتلكم. من أفغانستان من باكستان من سوريا من العراق من مصر من فلسطين”، وأضاف السيسي: “إنتم فاكرين إن الناس دي (الإخوان) أنا قلت لكم مرة قبل كده يا هنحكمكم يا نقتلكم، اختاروا، يا تتحكموا يا تتقتلوا.. أنا بالنسبة لي ممكن أتقتل معنديش مشكلة”.
– المقطع الثاني مجتزأ من خطاب السيسي في أغسطس 2016، بمناسبة الذكرى الأولى لافتتاح قناة السويس الجديدة، ووقتها السيسي قال: “كلمتين أوصف بهم واقع إحنا بنعيشة، أفتكر إن إحنا أول مرة اتكلمت فيها اتكلمت وقولت يا نحكمكم يا نقتلكم.. وده كنت بلخص به الحكاية، حكايتنا إحنا كمصر وشعبها، يا تتحكموا يا نقتلكم، والحكاية مش على آد إن يتعمل عمل إرهابي بس، لأ على آد إن إرادة المصريين والأمل اللي موجود جواهم يبقى دايمًا في جهد بيتبذل عشان يتحول إحباط ويأس”، والكلام كله في سياق إن ده عن جماعة الإخوان.