دحض الإدعاء

– الكلام ده غير صحيح. الشخص اللي في الصورة ده مش هو الحسن وتارا رئيس ساحل العاج. وتارا شكله وتكوينه الجسدي مختلف عن الشخص الموجود في الصورة.✅✅

– الحسن وتارا أدى الحج عام 2018، ومعاه بعض أفراد أسرته وعدد من قيادات الدولة، بدعوة من ملك السعودية سلمان بن عبد العزيز. حسب ما هو منشور في مواقع إيفوارية.✅✅

– كمان الملك سلمان دعا وتارا للمشاركة في حفل خاص بانتهاء الحج.✅✅

– في أكتر من مقطع فيديو بيظهر فيهم الحسن وتارا وهو بيتحرك في موكب محاط بعدد من رجال الأمن. منهم فيديو خلال أداء مناسك الحج وكان بيجلس على كرسي متحرك، وفيديو تاني بعد أداء مناسك الحج خلال زيارة الحرم المكي، وده معناه إن المراسم البروتوكولية كانت شغالة عادي. ✅✅

– الحسن وتارا عاد إلى كوت ديفوار بعد أداء مناسك الحج على متن الطائرة الرئاسية، وكان في استقباله زوجته وعدد من قيادات الدولة.✅✅

دي مش أول مرة ينتشر فيها البوست ده، سبق وانتشر قبل كده عام 2018 وقت موسم الحج.