مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
أداة first draft للتحقق من المحتوى على الانترنت
Aug. 27, 2019
(تحقيق- الحقيقة فين- اعرف- سين وجيم- تقارير- علشان محدش يضحك عليك- مدونة- والمواد المتشابهة في المنصات الشريكة)
دحض الإدعاء
– التطور التكنولوجي أتاح كتير جدًا من الأدوات الخاصة بالتحقق من صحة المحتوى على الإنترنت سواء الصور أو الفيديو أو الاثنين مع بعض.
– لكن أهم ما يميز أداة First Draft إنها مش أداة واحدة ولكن عبارة عن مجموعة من الأدوات الجيدة جدًا للتحقيق من الصور أو الفيديو أو حسابات على تويتر وهي تجميعة غنية جدًا لأهم أدوات التحقق في مكان واحد. يمكن أداة فيسبوك والبحث بالاسم مش مظبوطة حاليًا، لكن ده لا يمنع إنها أداة جيدة في الباقي.
– الميزة التانية انها عبارة عن صفحة على الإنترنت لا تحتاج إلى تحميل أو تسجيل الدخول، وكل ما عليك فعله هو إنك تديله اللينك اللي محتاج تتأكد من صحته وتشوف إذا كان تم تداوله قبل كده أو في سياق آخر ولا لأ.
– في كمان ميزة مهمة جدًا وهي إنك تقدر تعرف حالة الطقس في أي مدينة خلال أي تاريخ إنت تحدده وده من خلاله تقدر بسهولة تعرف إذا الصور أو الفيديوهات اللي بتتحقق من صحتها حديثة ولا تم تداولها من قبل من خلال ملابس الاشخاص مثلًا. بمعنى إن كتير جدًا نلاقي فيديو متداول لحادثة معينة في بلد ما، لكن بقليل من البحث نكتشف ان الاشخاص اللي ظاهرة في الفيديو ملابسهم شتوية في حين البلد ده في الوقت ده درجة الحرارة فيه بتكون مرتفعة جدًا، وهكذا.
– الميزة الأهم في الموقع ده إن عليه كورسات وتدريبات باللغة العربية لكل ما يتعلق بمجال التحقق من صحة المحتوى على الإنترنت.
آخر الأخبار
