دحض الإدعاء

– لكن، الكلام ده غير صحيح تمامًا، لأنه لما راجعنا أرشيف قناة “صدى البلد” على يوتيوب، اتضح إنه آخر ظهور لأحمد موسى في برنامجه (على مسؤوليتي) على قناة صدى البلد، كان من حوالي إسبوعين، في حين إن أزمة محمد صلاح واتحاد الكورة كانت يدوب من أيام، وبالتالي مفيش تصريحات صدرت من موسى.✅✅

– بوست صفحة “شبكة أحرار الإخبارية” كان عبارة عن الكلام ده بدون أي فيديو يأكده: “أحمد موسى: محمد صلاح.. دبور وزن على خراب عشه.. احنا مش هنسمح أبدا بتكرار تجربة الإرهابي محمد أبوتريكة. ده احنا نخليه يبطل كورة من بكرة الصبح”.
– موقع “صدى البلد” نشر تكذيب لأحمد موسى، بيقول فيه إنه ناوي يقاضي صفحة مزورة فبركت كلام وشائعات على لسانه ضد محمد صلاح.. وكمان نفى ما تم تداوله على موقع التواصل الاجتماعي من تصريحات اعتبرها “غير حقيقية”.
– أحمد موسى دائم مهاجمة أبوتريكة ووصفه بالإرهابي لكن مهاجم محمد صلاح بالعكس دائم الدفاع عنه.

– طبعًا البوست صدقه ناس كتير وحصل على أكتر من 8 آلاف شير وتفاعل، نتيجة لحالة لاهتمام الناس بمتابعة اللى حصل مع صلاح، لكن محدش ركز إن كان الكلام المنسوب لموسى صحيح ولا لاء وامتى اتقال.