دحض الإدعاء

– من يومين صفحة إسرائيل بتتكلم عربي، وحساب المتحدث جيش الاحتلال الإسرائيلي للإعلام العربي، افيخاي أدرعي- Avichay Adraee ، نشروا صورة باعتبارها من مكة وكتب: ” #شاهد: (#شابات_شالوم) اليهودية داخل #الحرم_المكي. ما أجمل التعايش والاحترام المتبادل”، بعد انتشار الصورة قررنا ندور ورا أصلها.

– الحقيقة إن الصورة حصل تعديلات كبيرة بشكل فج، وتم التلاعب فيها بشكل كبير من خلال برنامج الفوتوشوب.

## عرفنا ده ازي؟

– أداة “Forensically” اللي اتكلمنا عنها قبل كده، وهي بتكشف إذا كان فيه تعديلات حصلت على صور ولا لاء… من خلالها قدرنا نشوف مواطن الأماكن اللي خضعت لتعديلات.

– على سبيل المثال، فيه حاجة في الأداة اسمها “Magnifier”، وده عبارة عن أوبشن بيخليك تكبر مناطق في الصورة من خلال مرورك بالماوس عليها بحيث تشوف إذا كان فيه بكسلة فيها ولا لاء.

– البكسلة دي ظهرت فعلا في الصورة في جملة “شابات شالوم”، وده معناها أن الجزء من الصورة خضع لتعديلات أو أُضيف بشكل مقصود للصورة.

– إمكانية تانية في الأداة، اسمها “Clone Detection”، وهيا بتقوم بنفس الشىء، لكن بشكل أوضح، ولما أخضعنا الصورة دي للفحص وضح لنا إن تعديلات أو تحسينات حصلت في خلفية الصورة والأشخاص اللي ظهروا فيها. وده ظهر كويس من خلال مؤشرات الأداة اللى ألوانها كل ما تميل إلى اللون الـ Pink الكثيف فده معناه إنه المنطقة دي من الصور اتعدلت.